romantic

તેરા રસ્તા મેં છોડું ના … ચેન્નઈ એક્સપ્રેસ

ફિલ્મ – ચેન્નઈ એક્સપ્રેસ વર્ષ – ૨૦૧૩ ગીત – તેરા રસ્તા મેં છોડું ના … ગાયક – અમિતાભ ભટ્ટાચાર્ય , અનુષા માની ગીતકાર – અમિતાભ ભટ્ટાચાર્ય સંગીત – વિશાલ – શેખર

પ્રેમ એટલે આપવું … આ મારી પ્રેમ વિષે ની સૌ પહેલી સમજ હતી. એફ.વાય. માં હતો ત્યારે ક્લાસમાં મેડમે બધા ને ઉદેશી ને પ્રશ્ન કરેલો – વ્હોટ ઈઝ લવ , એકોરડીંગ ટૂ યુ ! કેટલાકે આંગળીઓ ઊંચી કરી , એમાંથી એક આંગળી મારી પણ હતી , આર્ટસ ના વિદ્યાર્થીઓ હોઈ મેડમ ને વિવિધતા થી ભરપૂર જવાબો મળ્યા , એમાં મારો જવાબ હતો – પ્રેમ એટલે આપવું , ટૂ લવ ઈઝ ટૂ ગીવ ! નિસ્વાર્થ ભાવે ફક્ત આપવું ! પછી એ કાર હોય કે કેર હોય ! ક્લાસ ના એસાઈનમેન્ટ ની ફાઈલ હોય કે જસ્ટ એક સ્માઈલ હોય ! મળવાનું ભલે ઓલવેય્ઝ હોય કે વન્સ ઇન એ વ્હાઈલ હોય … બસ આપ્યા જ કરવું , જેટલું આપી શકાય તેટલું , જે આપી શકાય એ ! અને જે નાં આપી શકાય તેમ હોય તે પણ જેમ તેમ વ્યવસ્થા કરીને આપવું ! બસ આપ્યા જ કરવાનું ? તો પછી મેળવવાનું શું ? વેલ , આપવાથી થતી ખુશી જેવી પવિત્ર અને મસ્ત બીજી કોઈ ફીલિંગ નથી. પ્રેમ ના બદલામાં પ્રેમ માંગવો એ પ્રેમ નહિ પણ સોદો છે, પણ પ્રેમ માં પડ્યા હોઈએ ત્યારે પ્રેમ મેળવવાની ઘેલછા પણ ક્યાં ઓછી હોય છે ! એ તો ભરપૂર હોય છે , અને એટલે જ પ્રેમ સંબંધ માં બંધાયા પછી કોઈ પ્રેમી પોતાની પ્રેમિકા પાસે થી તૃપ્ત થવા માંગે છે પ્રેમ ! હક થી ! હું જાણું છું કે તને કબૂલ છે , તો પછી વિલંબ શાને કરે છે ? જલ્દી થી આપ મને એક પપ્પી ! તારા એક ચુંબન માત્ર થી મને મારું સ્વર્ગ મળી જશે. અને પપ્પી ના બદલામાં હું તને આપીશ , એક પ્રોમિસ … તારો સાથ ક્યારેય ન છોડવાનો વાયદો , એન્ડ માઈન્ડ વેલ , આ સોદો નથી , પ્યોર લવ છે ! તારા દિલમાં મારા માટે જે પ્રેમ છે તેનો સાક્ષાત્કાર કરવાની તલબ છે. તારામાં સમાઈ જવાની ઘેલછા છે ! ઇન શોર્ટ , ધીસ ઈઝ ધી ગ્રેટેસ્ટ ગ્રેટનેસ ઓફ માય લાઈફ ! “મહેરબાની નહિ તુમ્હારા પ્યાર માંગા હૈ , તુમ્હે મંઝુર હૈ તભી તો યાર માંગા હૈ ગૈરો કે ડર સે , તેરે શહેર સે , હૈ કસમ રિશ્તા તોડું ના … તેરા રસ્તા મેં છોડું ના ….”

દરેક વ્યક્તિ ના મનમાં પ્રેમ ની એક સમજ હોય છે. મેં વાત કરી તેમ તે દિવસે ક્લાસરૂમ માં દરેકે પ્રેમની વ્યાખ્યા અલગ અલગ આપેલી, કેટલાય ની વ્યાખ્યાઓ સમય સાથે બદલાઈ હશે , કેટલાક મારા જેવાય હશે , જેઓ ની ફિલોસોફી માં ખાસ ફરક નહિ પડ્યો હોય. પણ તોય , માણસ જે વિચારે છે , અને અનુભવો તેને જે ભાથું આપે છે અને પછી જે સમજ વિકસે છે તેને જ એ સાચી માને છે , તેના માટે તે સમજ એક બહુ મોટું સત્ય છે અને તેની સમજ સાથે મેળ ન ખાતી હોય તેવી દરેક વાત અસત્ય છે. જેઓ એ શિયાળામાં પ્રેમ કર્યો હોય તેમને એવું લાગે કે પ્રેમ ની અસલી મજા તો શિયાળામાં જ છે. જે ગ્રીષ્મ ઋતુમાં પ્રેમ માં પડ્યા હોય તેમની યાદોમાં , મુલાકાતો માં ગરમ હવાઓ પણ શામેલ હોય , એથી એમને ગરમ હવાઓ સાથે પણ લગાવ થઇ જાય. પોતાના પ્રેમ સાથે જોડાયેલ દરેક ચીજ અતિ સુંદર હોય …! જે જગ્યા સાથે એ યાદો જોડાયેલ હોય એ જગ્યાએ ફરી ફરી પહોંચી ને ખુશી પ્રાપ્ત થાય ! જીવન માં મેળવેલી સૌથી મોટી જીત ની ખુશી ! જેના પર દિલોજાન નીર્છાવર હોય તેને પામવું એ કેટલી મોટી જીત કહેવાય !

“અગર યે હૈ નહિ , તો ફિર જાને પ્યાર ક્યા હૈ મેરી જીત હૈ તું , કિસે પરવાહ હાર ક્યા હૈ , તેરા રસ્તા છોડું ના … છોડું ના મેં તેરા રસ્તા છોડું ના …”

જીવનમાં અનેક રાહો હોય છે અને એ અનેક રાહોની અનેક મંઝીલો હોય છે , એમાંની એક મંઝીલ પ્રેમની પણ છે. દિલોજાનથી ઈશ્ક કરતા વ્યક્તિ માટે પ્રિયજનના ઈશ્કમાંchennai-express તેને જાત સહીત બધું આપવું , એ જીવન ના સૌથી મોટા ઊદેશ્યો માં નો એક ઉદેશ્ય હોય છે. જે રીતે કોઈ બાધા માનવામાં આવે ત્યારે તો મનમાં હોય કે કરી લઈશું , પણ જયારે ખરેખર તે બાધા નિભાવવાની આવે ત્યારે ખ્યાલ આવે કે ધાર્યા કરતા ઘણું અઘરું છે. માતાજીના મંદિર સુધી ચાલીને જવાની બાધા રાખતા તો રાખાઈ જાય, માતાજીને વચન આપતા તો અપાઈ જાય, પણ એ વચન પૂરું કરવું કાઠું પડી જાય , એ જ રીતે પ્રિયજન ને આપેલું કોઈ વચન , સમય જતા અઘરું પૂરવાર થાય , અઘરામાંથી ધીમે ધીમે એ વચન નિભાવવું અશક્ય લાગવા લાગે, એવા અશક્ય વચન પણ નિભાવી જવા એજ સાચા પ્રેમી ની નિશાની છે. જીવનમાં થોડા થોડા સમય માટે તો હર કોઈ સાથ આપે , રાહ તો કોઈ પણ ચીંધી આપે , પણ મંઝીલ સુધી હાથ પકડી ને લઇ જનાર વ્યક્તિ માત્ર એક જ હોય ! એ વ્યક્તિ એટલે સાચો પ્રેમી , સાચો આશિક ….. જે નસીબદાર ને જ પ્રાપ્ત થાય. જેમ માતાજીને આપેલા વચન માટે પગ છોલાઈ જાય ત્યાં સુધી ચાલનારા લોકો હોય છે તેમ ઈશ્ક માં પણ પગમાં છાલા પાડનારાઓ ની કમી નથી. આખરે ઈશ્ક પણ એક ઈબાદત જ છે ને ! ગુલામ અલીએ ગયેલી એક ગઝલ નો શેર છે “જીન કે હોઠો પે હસી પાવ મેં છાલે હોંગે , હા વહી લોગ તેરે ચાહનેવાલે હોંગે” ઈશ્ક હોય કે ઈબાદત , આપેલું વચન પાળવાના પ્રયત્નો તો હર કોઈ કરે છે , કેટલાક ના વચનો ખોટા પૂરવાર થાય છે , કેટલાક થોડા સમય સુધી તે પાળે છે , કેટલાક થોડા વધુ સમય સુધી પાળી બતાવે છે , અને પછી તેમનો દમ નીકળી જાય છે, પણ દમ નીકળી ગયા પછી પણ જે વચન પૂરું કરવા મેદાન પર દટયો રહે, તે છે સાચો પ્રેમી ! સાચો પ્રેમી આપેલું વચન અધૂરું નથી છોડતો , અધૂરું કે છીછરૂ તેને રૂચતું જ નથી, એને મન જાન કરતા જાનેમન ને આપેલા વચનની કિંમત વધુ હોય છે “ઝીંદા હૂં લેકિન વો બાત નહિ હૈ , હાથો મેં તેરા જો હાથ નહિ હૈ ઈશ્ક કા હૈ નામ બડા, મૈને હૈ કિયા કામ બડા, કર કે મગર આધા છોડું ના … તેરે રુખ સે યે ચહેરા મોડુ ના , તેરા રસ્તા મેં છોડું ના ..”

પ્રેમ એ માત્ર પાગલપન નહિ પણ પાગલપનની ચરમસીમા છે. માણસ લાગણીમાં તણાઈ ને કઈ પણ કરી શકે ! અસહ્ય વેદનાઓ સહી શકે , આખી દુનિયાથી લડી શકે!M_Id_393335_chennai-express પોતાના પ્રેમને પામવા તે કંઈ પણ કરી શકે. લડી લડી ને શરીરના અંગો થાકી જાય , પછી શક્ય છે કે તે સાથ ના આપે , સગા-સંબંધીઓ તો પહેલાથી જ દુશ્મન થઇ ને બેઠા હોય , અને દુનિયામાં સમાજના કહેવાતા રખેવાળો પણ તલવારો ઉગામી શકે , લોહી વહાવવું પડે , પોતાનું પણ અને બીજા નું પણ ! ઓલો ગાલીબ કહે છે ને “યે ઈશ્ક નહિ આસાં, બસ ઇતના સમજ લીજીયે, ઇક આગ કા દરિયા હૈ ઔર ડૂબ કે જાના હૈ” “એવરીથીંગ ઈઝ ફેર , ઇન લવ એન્ડ વોર” એમ કહેવાય છે કારણ કે પ્રેમ પણ એક મોટી જંગ છે – જે પ્રેમના દુશ્મનો સામે લડવી પડે છે. અને એક પ્રેમી માટે એ જંગ જીતવી એટલી જ મહત્વ ની હોય છે જેટલુ બીજા વ્યક્તિઓને પોતાનું જીવન મહત્વનું હોય છે. સામાન્ય વ્યક્તિ એમ સમજીને જીવતો હોય છે કે જો જીવન હશે તો બીજી અનેક વાર લડાશે, અને જો જીવ જશે તો પાછો નહિ આવે , જયારે પ્રેમી એમ સમજી ને લડે છે કે આ જંગ જીતીશ તો જ હું મારા પ્રેમ ને પામી શકીશ અને તો જ મારા થી જીવાશે, એ સિવાય જો જીવન હશે તો એ મૃત્યુ થી પણ ભયંકર હશે. એવા જીવન કરતા તો મોત ભલી…. એના માટે પણ જીવન મહત્વ નું છે કારણ કે એના જીવનમાં એનો પ્રેમ છે , એટલે જ એ પોતાની જાત ને કફનથી બચાવતો રહે છે , જેથી એ સહેરો બાંધી શકે…

“ચાહત હૈ મેરી કસૂર નહિ હૈ દિલ જઝ્બાતી હૈ મજબૂર નહિ હૈ સર યે ભલે ફૂટ ગયા , જિસ્મ મેરા તૂટ ગયા ખુદ સે કિયા વાદા તોડું ના , બાંધુ સહેરા , કફન ઓઢું ના .. તેરા રસ્તા મેં છોડું ના … “

આડવાત : મહિના પહેલા લખેલી આ પોસ્ટ ક્યારેક આળસમાં તો ક્યારેક નેટ ના સ્લો કનેક્શન ના લીધે મૂકવાની રહી જતી હતી , વેલ ત્યારે પોસ્ટ કરી હોત તો પોસ્ટની સાથે સોંગ નો ફક્ત ઓડિયો જ પીરસી શકત , કારણ કે વિડીયો ત્યારે રીલીઝ નહોતો થયો , જે હમણાં જ રીલીઝ થયેલ છે , જેથી આપ એ તાજેતાજ્જા વિડીયોનો લુત્ફ ઊઠાવી શકશો.

બીજી એક આડવાત : શાહરૂખ ને ગયા શુક્રવારે મારા શહેર અમદાવાદમાં રૂબરૂ જોયો , એને જોઈ ને આનંદિત તો થયો , પણ સાથે થોડા દુખી પણ થવું પડ્યું કારણ કે હું શાહરૂખ ને જોઈ રહ્યો હતો ત્યારે જ કોઈ મારું વોલેટ ચોરી ગયું , પોલીસ સ્ટેશન માં કમ્પ્લેઇન નોંધાવવા ગયો તો કેટલાય સમદુખિયાઓ નો ભેટો થયો – શાહરૂખ ને જોતા કેટલાય ના વોલેટ ચોરાયેલા , તો કેટલાક ના મોબાઈલ પણ !

અને આ રહ્યું … તાજ્જે તાજજુ ગરમા ગરમ ગીત ….. તેરા રસ્તા  છોડું ના … [youtube=http://www.youtube.com/watch?v=O5HcUb5O6Fs]

જીને લગા હૂં – રમૈયા વત્સાવૈયા

ફિલ્મ – રમૈયા વત્સાવૈયા
વર્ષ – ૨૦૧૩
ગીત – જીને લગા હૂં
ગાયક – અતીફ અસલમ , શ્રેયા ઘોષાલ
ગીતકાર – પ્રિયા પંચાલ
સંગીત – જીગર સરૈયા , સચિન સંઘવી

ખુબ સુંદર શબ્દો અને ખુબ સુંદર કમ્પોઝીશન નો સુમેળ થાય ત્યારે આવું સરસ ગીત રચાય. સંગીતકાર બેલડી જીગર અને સચિનનું આવું જ કર્ણપ્રિય અને સીધે સીધુંj3 દિલમાં ઊતરતું ગીત ફિલ્મ “શોર ઇન ધ સીટી ” માં હતું – “સાયબો”. સાયબો ગીત પણ તાજ્જા જ થયેલા પ્રેમ ની તાજ્જી લાગણીઓ દર્શાવતું ગીત હતું . સાયબો ગીત સાથે એક મીઠી યાદ જોડાયેલી છે , મેરેજ પછી તરત મારી કોલર ટયુનમાં આ ગીત હતું , અને શ્રીમતીજી એ પહેલીવાર આ ગીત મારી કોલર ટયુનમાં જ સાંભળેલું , અને તેને એ ગીત જબ્બર ગમી ગયું , ત્યાર થી લઇ ને આજ સુધી જયારે પણ આ ગીત તે સાંભળે ત્યારે એ ખુબ રોમાંચિત થઇ જાય – અને એને અચૂક યાદ આવી જાય – અમારા લગ્ન પછીના શરૂઆતના એ દિવસો. આ ગીત (“જીને લગા હૂં “) પણ એવું જ છે, તાજ્જા પ્રેમ ના તાજ્જા સંવેદનો ઝીલતું ગીત ! અને હું અહી આ તાજ્જો પ્રેમ અને આ વાસી પ્રેમ એમ કહી ને પ્રેમ ના પ્રકારો પાડવા નથી બેઠો પણ તાજ્જા પ્રેમ ની અનુભૂતિ કૈક ખાસ , વેલ એક્ચ્યુઅલ્લિ ખુબ જ ખાસ હોય છે , એમાં એક મહેક હોય છે , એક તાજગી હોય છે અને સૌથી વિશેષ એમાં ગાંડપણ , દીવાનગી હોય છે . એન્ડ અફકોર્સ પ્રેમ જુનો થતા પરિપક્વ થાય છે , મેચ્યોર થાય છે , એક સમજ વિકસે છે . પણ એ સમજ , એ મેચ્યોરીટી અને એ પરિપકવતાના અભાવમાં જ તો અસલી આનંદ રહેલો છે , એટલે જ તો ખીલેલા ફૂલ કરતા ખીલી રહેલા ફૂલ ની કળી વધુ વ્હાલી લાગે ! મોટેરાઓ ક્યારેય નાનકડા ભૂલકા ની જેમ નિર્દોષ આનંદ અને મસ્તી ભરી ક્ષણો જીવી ન શકે . ઈમ્મેચ્યોરીટી માં એક સૌન્દર્ય વસેલું છે , જે મેચ્યોરીટી આવતા જ ગૂમ થઇ જાય છે.
નાના હોઈએ પછી મોટા થઇએ , અને મોટા થઇ ગયા પછી શું જીવનમાં એ ઈમ્મેચ્યોરીટીવાળું સૌન્દર્ય પાછુ લાવી શકાય ? જરૂર લાવી શકાય … પ્ર્રેમ માં પડી ને ! કોઈ પણ સમજ કે બુદ્ધિ નો ઉપયોગ કર્યા વગર કરવામાં આવતું શ્રેષ્ઠ કાર્ય એટલે પ્રેમમાં પડવું . લવ એટ ફર્સ્ટ સાઈટ માં ક્યાં કોઈ સમજ ની જરૂર પડે , પ્રેમ કરવા જરૂર પડે ફક્ત હૃદય ની ! એકદમ પ્યોર દિલ જોઈએ ભાઈ , તો જ પ્રેમ થાય … અને તો જ મેચ્યોર થયા બાદ પણ ઈમ્મેચ્યોર રહી શકાય , અને પછી જીવન બદલાય , જીવતા તો વર્ષો થી હોઈએ , પણ એ જીવી રહ્યા હોવાનો અનુભવ કદાચ પહેલી વાર થાય , અને પછી દિલમાં થી જે શબ્દો નીકળે એ કૈક આવા હોય …

“મેં , મેરા દિલ ઔર તુમ હો યહાં ,
ફિર ક્યોં હો પલકે ઝુકાયે વહા,
તુમ સા હસીન પહેલે દેખા નહિ ,
તુમ ઇસસે પહેલે થે જાને કહાં ,
જીને લગા હૂં , પહેલે સે ઝ્યાદા
પહેલે સે ઝ્યાદા , તુમપે મરને લગા હૂં “

નવા નવા પ્રેમમાં આખો સમય બસ પ્રણયરંગી વિચારોમાં જ વ્યતીત થાય , અને એ સમયમાં શ્રેષ્ઠ ભાગ હોય – પ્રિયજન સાથે ની મુલાકાત નો સમય ! બાકીનો સમય કાં તો એ ઘડી ના ઈન્તેજાર માં વીતે ને કાં તો એ ઘડી માં વિતાવેલી ક્ષણો ને મમળાવવામાં ! જાણે સમજો ને કે એ સમયે આખા જીવનનો આધાર એ મુલાકાત ની ઘડી પર જ નભેલો હોય ! અને જ્યારે આખું જીવન જે ઘડી પર , જે ક્ષણો પર નભેલું હોય એ મુલાકાતનો સમય જયારે આવી પહોંચે ત્યારે દિલ નો શું હાલ થાય ? ઘડીક લાગે કે થંભી ગયું છે અને ઘડીક થાય કે એ ખુબ ઝડપ થી દોડી રહ્યું છે. પ્રિયજન સાથે વિતાવવામાં આવતા કલ્લાકો જયારે સેકન્ડો સમાન લાગતા હોય , ત્યારે એટલી ઝડપથી દોડતા સમય સાથે બિચારું નાજુક દિલ કેવી રીતે તાલ મેળવી શકે ? એને તો એમ જ લાગે ને કે મારી સાથે બનાવટ કરવામાં આવી છે, ચાર કલ્લાક નું કહી ને મુલાકાત માટે ફક્ત ચાર મિનીટ જ ફાળવવામાં આવી છે ! ઘડિયાળમાં વીતેલો સમય દિમાગ ના મેળમાં બેસે , પણ દિલ ના ગણિત નો તો મેળ કેમેય કરીને ના બેસે ! ઘડિયાળના કાંટાની વાત દિમાગ સ્વીકારશે , પણ દિલ નહિ સ્વીકારે… એ તો એવું જ ઈચ્છશે કે સમય પણ પોતાની (દિલની) જેમ થંભી જાય …

“રહેતે હો આકે જો તુમ પાસ મેરે ,
થમ જાયે પલ વહી ,બસ મેં યે સોચું ,
સોચું મેં થમ જાયે પલ યે,
પાસ મેરે જબ હો તુમ …
ચલતી હૈ સાંસે , પહેલે સે ઝ્યાદા ,
પહેલે સે ઝ્યાદા , દિલ ઠહેરને લગા … “

અને આ એકલતા ! અમથું તો એકલું એકલું વર્ષો થી જીવાતું હોય પણ નવો પ્રેમ થયો હોય ત્યારે એકલતા ખુબ જ ડંખે ! હર પલ પ્રિયજન સાથે હોય એવી ઝંખના થાય , પણ જો એમ ન થઇ શકે એમ હોય તો બીજું કોઈ તો જોઈએ જ , કોઈ મિત્ર , ભાઈ , બહેન કે કદાચ પેરેન્ટ , કે જેની સાથે પ્રિયજન ની વાતો શેર કરી શકાય એવી આત્મીયતા હોય ! એ નાં હોય ત્યારે પણ એની વાતો કરી કરી ને દિલ ને ટાઢક આપ્યા કરવી એ શેના જેવું છે ખબર છે ? ઓલું ઠંડીમાં તાપણું કરી ને હુંફ મેળવવા જેવું જ છે ! એ હુંફ થી ઠંડી દૂર તો નાં થાય પણ ટેમ્પરરી કામ ચાલી જાય , એ જ રીતે પ્રિયજન ની વાતો કર્યા કરવાથી , એની કમી તો દૂર ન થાય , પણ ટેમ્પરરી દિલ ને થોડી ટાઢક વળે, થોડું સારું લાગે .. ! અને જો એવું કોઈ સ્વજન પણ સાથે રહી શકે તેમ ન હોય તો પછી છેલ્લે વિચારો નો આશરો તો છે જ !

“તન્હાઈયો મેં તુજે ઢુંઢે મેરા દિલ ,
હર પલ યે તુજકો હી , સોચે ભલા ક્યોં ,
તન્હાઈ મેં ઢુંઢે તુજે દિલ ,
હર પલ તુજકો સોચે ,
મિલને લગે દિલ , પહેલે સે ઝ્યાદા ,
પહેલે સે ઝ્યાદા , ઈશ્ક હોને લગા .. “

રેઇન ઈઝ ફોલીંગ છમા છમ છમ ..

ફિલ્મ – ગુનેહગાર
વર્ષ – ૧૯૯૫
ગીત – રેઇન ઈઝ ફોલીંગ છમા છમ છમ ..
ગાયક – સુદેશ ભોંસલે
ગીતકાર – સુરેન્દ્ર સાથી
સંગીત – શ્યામ સુંદર

નાનપણમાં શાવર નીચે નહાતા નહાતા નાચ્યો છું – અઢળક વખત ! અને એ રેઇન ડાન્સ વખતે કઈ કેટલાય ગીતો ગાઈ નાખયા હશે. વેલ , મોસ્ટલી જે દિવસે મારો મૂડMovie_Gunehgar 3061411111715 સારો હોય એ દિવસે જ હું શાવરમાં નહાતો , ( મુડ ના હોય તો ક્યારેક નહાવાનું માંડી પણ વાળતો ) પછી તો સાબુ માઈકમાં કન્વર્ટ થઇ જતું અને ફોર્સ્ફૂલ્લી પડતા પાણીમાં ફોર્સ્ફૂલ્લી હાથ પગ નાખીને સ્ટેપ્સ કરવામાં આવતા , જાણે ખરેખરમાં કોઈ સ્લોમોશન માં મને શૂટ ન કરી રહ્યું હોય ! રિતિક જુએ તો એ બી ટેન્શનમાં આવી જઈને એવું વિચારે કે મારે હજુ થોડી વધુ ડાન્સની ટ્રેનીંગ લઈને ફિલ્મોમાં આવવાની જરૂર હતી , પણ મારો સ્વભાવ બી પાછો આમ ઉદાર એટલે મેં મારી ડાન્સની કલાને બાથરૂમ સુધી જ મર્યાદિત રાખી ! આપડે કીધું ક્યાં રિતિક ફીતિક ના પેટ પર લાત મારવી ! અહી આ ગીતમાં હીરો પણ વરસાદમાં ડાન્સ કરી ને છોકરીએ આંખ મારી છે એ વાતનો આનંદ વ્યક્ત કરી રહ્યો છે. મને પણ સ્કુલ – કોલેજમાં ક્લાસની કોઈ સુંદર છોકરીએ સ્માઈલ આપી હોય તો હું પણ બીજા દા’ડે કાયદેસર રીતે શાવર નીચે ડાન્સ કરી ને આનંદ વ્યક્ત કરતો . અને મન ભરી ને ડાન્સ કર્યા બાદ હેમ ખેમ બાથરૂમની બહાર નીકળી જતો. ક્યારેય ડાન્સ કરતા કરતા પડી જવાનો રેકોર્ડ મેં નોંધાયો નથી. પણ અહિયાં આ ગીતમાં તો ભાઈ અર્થાત હીરો અર્થાત અતુલ અગ્નિહોત્રી પડી જાય છે ! અને એનું પડી જવું વ્યાજબી પણ છે કારણ કે આફ્ટર ઓલ છોકરીએ તેને આંખ મારી છે. એ જમાનો જ થોડો એડવાન્સ હતો, જયારે અમે સ્કુલ – કોલેજમાં હતા . છોકરીઓ અને છોકરાઓ એકબીજાને આંખ મારે એવા કિસ્સા બનતા , જયારે હવે તો છોકરા છોકરીઓ માત્ર ફેસબુક પર એકબીજાના ફોટા પર લાઈક મારતા દેખાય છે. એમાય સાલ્લુ ખબર ચમની પડે કે આ લાઈન વાળું લાઈક છે કે ભાઈ સમજી ને મારેલું લાઈક ! બોલો , એના કરતા અમારો જમાનો ટનાટન ના કહેવાય ?

“ટન ટના ટન ટનન ટનન ….
રેઇન ઈઝ ફોલીંગ છમા છમ છમ
લડકીને આંખ મારી ગીર ગયે હમ
ટન ટના ટન ટનન ટનન …”

દરેક જમાનામાં ધાબા પર કે બાલ્કની પર થી પ્રેમો થતા આવ્યા છે , થઇ રહ્યા છે અને થતા રહેશે. સીધું ગણિત છે કે માણસ બાલ્કની પર કે ધાબા પર કેમ આવે ? ઘરમાં કંટાળો આવતો હોય એટલે બહાર કોઈ સુંદર નજારો જોવા મળશે એવી આશાએ જ આવે ને ? અને જુવાન છોકરા માટે જુવાન છોકરી અને જુવાન છોકરી માટે જુવાન છોકરા થી વિશેષ સુંદર નજારો બીજો કયો હોય ! મેં તો આવા અનેક કિસ્સાઓ સાંભળ્યા છે , આઈ એમ શ્યોર કે તમે પણ સાંભળ્યા હશે , કદાચ અનુભવ્યા પણ હશે ! કાલિદાસ ના જમાનાના કવિઓ ચાંદ અને સુરજના નીકળવાના ટાઈમ વિષે કવિતાઓ લખતા , કદાચ એ વખતે પાડોશ માં પ્રેમિકા રહેતી હોય એવા સદનસીબ એમને પ્રાપ્ત નહિ થયા હોય , બાકી મેં જેટલી દુનિયા જોઈ છે એમાં મેં તો એવું જ જોયું છે કે લોકો શેરી માં સેટિંગ થતું હોય તો શેરીની બહાર નીકળવાનું પ્રીફર નથી કરતા . અને શેરી માં સેટિંગ કરવું એ પાછુ જેવા તેવા નું કામ નથી , એના માટે ખૂબ ડેરિંગ જોઈએ. અને સ્વભાવે છુપા રુસ્તમ ની પ્રકૃતિ હોય તો જ આવા પ્રકારના સેટિંગ થઇ શકે . કારણ કે કોલેજ ના લફરા આખી કોલેજમાં ફેલાયેલા હોય , જોબ માં પણ એ જ હાલ ! પણ જો એક શેરીમાં પ્રેમી યુગલ હોય તો ભાગ્યે જ એવું જોવા મળે કે કોઈને એ વાતની ખબર પડી હોય . સૌથી વધુ છુપા રુસ્તમ ટાઈપ ના પ્રેમી યુગલ જો કોઈ હોય તો એ આ શેરીઓમાં વસતા યુગલ ! એ ક્યારેય કોઈ ને જાણ ન થવા દે , અને જો કોઈ ને જાણથઇ પણ જાય તો એવા કેસીસ માં સવારે જાણ થઇ હોય અને સાંજે તો ખબર પડે કે બંને પ્રેમીઓ એ ભાગી ને લગ્ન કરી લીધા છે ! એક અલગ જ પ્રકાર ની દીવાનગી હોય છે આવા શેરી રોમેન્સીસ માં …

“છત પે ખડી થી મેરી ગુલબદન ,
મેં થા ગલી મેં મેરે લડ ગયે નયન
દેખ કે દિલ મચલ ગયા , પાવ મેરા ફિસલ ગયા ,
દેખો રે દેખો મેરા દીવાનાપન “

છોકરીઓ ની અદાઓ એટલે તોબા તોબા ! એમાં જાદુગર ના જાદુ કરતા પણ વિશેષ જાદુ હોય છે અને મદારી ના ખેલ કરતા ય વિશેષ ખેલો હોય છે ! અને એની પાછળ ક્રેઝી થવાનું લખાયું હોય છે છોકરાઓના માથે ! મને દસમાં ધોરણમાં દસ વાર ગોખેલો પ્રમેય યાદ નહોતો રહેતો , પણ પેલીએ ખભા પરથી સરકેલો દુપટ્ટો પાછો કેવી રીતે ઓઢ્યો હતો એ સીન ફ્રેમ ટૂ ફ્રેમ યાદ હોય ! કોઈ સ્મિત ! કોઈ હાસ્ય રૂપી ગીત ! હવાઓ માં ગુંજતું ઝુલ્ફો નું એ સંગીત ! એ બધું કેવી રીતે વિસરાય ! ઓલો મનહર ઉધાસ ગાય છે ને …”શાંત ઝરુખે વાટ નીરખતી ….” એમાં પણ સ્ત્રીના સોંદર્ય ના કેટલા બધા વખાણ થાય છે ! આંખ ના કાજળ થી લઇ ને હાથ ની મહેંદી ની પણ વાત થાય છે , અને લખલૂટ વખાણો- વર્ણનો કર્યા બાદ છેલ્લે ફક્ત એક જ લાઈનમાં બધો ભાવ – કે હવે એના વિના “બહુ સુનું સુનું લાગે છે…બહુ વસમું વસમું લાગે છે” બહુ નેચરલ વાત છે ભાઈ કે છોકરીઓ ની અદાઓ પર છોકરાઓના હૃદય એક ધડકન ચુકી જ જાય , જો એવું ન થાય તો સમજવું કે કાં તો છોકરીમાં કે એની અદામાં ખાસ કઈ માલ નથી , અથવા તો એ છોકરો ખરેખરમાં પૂરે પૂરો છોકરો નથી (આઈ મીન રીયલ મર્દ નથી ), અને જો એ રીયલ મર્દ છે તો કાં તો એ કોઈ સાધુ છે ને કાં તો કોઈ તપસ્વી , અને એ પણ એવા પ્રકાર નો તપસ્વી જેનું તપ મેનકા ટાઈપ ની બલાઓ પણ ભંગ ન કરી શકે ! બાકી નોર્મલ માણસ ની તો હાર્ટ બીટ સ્કીપ થઇ જ જાય …. ક્યારેક અટકી પણ જાય (આ ગીતમાં દર્શાવ્યા મુજબ ) !

“દિલ મેં ઉઠા હૈ દેખો કૈસા તુફાન ,
ઉસકી અદાઓ ને લે લી મેરી જાન ,
આંખો સે લૂટ લિયા , બાતો સે માર દિયા ,
રુકને લગી મેરે દિલ કી ધડકન
અરે યે તો ગયા …
ટન ટના ટન ટનન ટનન …”

સુન બેરી બલમ સચ બોલ

ફિલ્મ – બાંવરે નૈન
વર્ષ – ૧૯૫૦
ગીત – સુન બેરી બલમ સચ બોલ
ગાયક – રાજકુમારી દુબે
ગીતકાર – કેદાર નાથ શર્મા
સંગીત – રોશન

આ ગીત મેં મારા જીવનમાં સાંભળેલા સૌથી મીઠડા ગીતો માનું એક. ગીતનું ફિલ્માંકન ગીતા બાલી અને રાજ કપૂર પર થયું છે , અને મારા માટે એથી રૂડું બીજું શું હોય.Lp-Bawre+Nain મારો સૌથી વધારે પ્રિય અભિનેતા અને મારી સૌથી વધારે પ્રિય અભિનેત્રી એક સાથે ! રાજ કપૂર અને ગીતા બાલી એમ બંને એ અભિનય કર્યો હોય એવી આ એકમાત્ર ફિલ્મ છે. અને પહેલી વાર મેં રાજ કપૂર ને ઝાંખો પડતો જોયો , જસ્ટ બીકોઝ ઓફ ગીતા બાલી ! (જોકે કેદાર શર્માએ ગીતા બાલી ને સ્કોપ પણ વધુ આપ્યો છે એન્ડ અફકોર્સ રાજ કપૂર નો અભિનય પણ લાજવાબ જ હતો ) અને ફિલ્મના દિગ્દર્શક કેદાર શર્મા પણ મનોમન ગીતા બાલીને ચાહતા એટલે એની વિશેષ ફિલ્મોમાં ગીતા બાલી એ અભિનય કર્યો છે , અને અસલ ગીતા બાલી એ કેદાર શર્મા ની ફિલ્મો માં જ જોવા મળે છે – કેદાર શર્મા ની ફિલ્મો માં ગીતા બાલી ને એની પ્રતિભા મુજબ નું ફલક અને સંવાદો મળ્યા છે . અને મારા મતે આ ફિલ્મ ” બાવરે નૈન ” એ ગીતા બાલી અને કેદાર શર્મા ની સૌથી શ્રેષ્ઠ ફિલ્મ છે . અફકોર્સ , ગીતા બાલી ની બીજી પણ ઘણી સારી ફિલ્મો છે પણ ગીતા બાલી નો શ્રેષ્ટતમ અભિનય આ ફિલ્મ માં . રાજ કપૂરે એમની કારકિર્દી ની શરૂઆત , કેદાર શર્માની ફિલ્મોમાં સહાયક દિગ્દર્શક તરીકે કરેલી . કેદાર શર્મા એમની ફિલ્મોના ગીતો પણ લખતા , અને આ ફિલ્મમાં પણ એમણે પોતે જ ગીતો લખ્યા છે . આ ફિલ્મ નું દરેક ગીત અતિશય મધુરું છે …! ફિલ્મ પણ એટલી જ સુંદર – એઝ બ્યુટીફૂલ એઝ ગીતા બાલી !
આ ગીતમાં નાયિકા નાયક ને કહે છે કે આપડે બંને પ્રેમ માં પડ્યા એથી શું શું થશે આપડી સાથે ! એની તને કલ્પના છે ? અને રાજ કપૂર ગીત માં દરેક વાતનો જવાબ પીપુડી વગાડી ને આપે છે ! એ પીપુડી માં પણ ઘણા અર્થ છૂપાયેલા છે , જેમ કે પ્રેમિકા ના રાગ સાથે રાગ મિલાવવો ! અર્થાત હું મૂક છું કારણ કે તારી દરેક વાત સાથે સંમત છું – હું એ બધું જાણું જ છું જે તું કહી રહી છે , પછી હું શું કામ બોલું ! અને જે થવાનું છે અને જે થઇ રહ્યું છે – એ વાત નો મને અફસોસ નહિ પણ ખુશી છે , પછી હું શું કામ એ વાત ની ચિંતા કરું કે ઇબ ક્યા હોગા ?

“સુન બેરી બલમ સચ બોલ રે ઇબ ક્યા હોગા
મેં ખોયી તું ખોને લગા હાં…..
મેરે દિલ મેં યું યું હોને લગા હાં …..
મેં રોને લગી તું રોને લગા રે ઇબ ક્યા હોગા ….”

કોઈના પર મરવું ! ડાઈંગ ફોર સમબડી ! ઈઝ એ કાઈન્ડ ઓફ ફીલિંગ વ્હિચ કેન નોટ બી એક્સપ્રેસ ઇન વર્ડ્સ. અને શબ્દોમાં લાગણી કયાંક તો જેટલી હોય તેટલી વ્યક્ત ન થાય , અને ક્યાંક ક્યારેક એવું પણ થાય કે વ્યક્ત વધુ થઇ જાય અને અસલીયતમાં એટલું વિશેષ ન પણ હોય. મારો કહેવાનો ભાવાર્થ ફક્ત એટલો જ કે લાગણીઓ શબ્દો ની મહોતાજ નથી , કે નથી અભિવ્યક્તિ ની મહોતાજ. કેટલાક લાગણીશીલ લોકો લાગણીઓને શબ્દો માં તો શું , આંખો થી પણ વ્યક્ત ન કરી શકતા હોય , પણ પ્રેમ તો પૂરે પૂરો – અતિશય કરતા હોય ! અને એવું કોઈ વ્યક્તિ કોઈ ગળાડૂબ પ્રેમ માં પડે , કોઈના પર મરવા લાગે ત્યારે ? શું એ પ્રેમમાં નિષ્ફળ જાય ? બિલકુલ નહિ , લાગણીઓ વગર કહ્યે સમજી જવા વાળા લોકોની પણ કમી નથી આ દુનિયામાં , આ જગતમાં એવા કેટલાય કપલ્સ છે જેમના પાર્ટનર પોતાનો પ્રેમ વ્યક્ત નથી કરી શકતા , તેમ છતાં તે અવ્યક્ત પ્રેમ ને સમજી જનારા પ્રેમીઓ હોય છે અને તેમને પોતાના પાર્ટનર થી કોઈ ફરિયાદ નથી હોતી , શબ્દો વગર , વારંવાર પ્રેમ દર્શાવવા કરવામાં આવતા સ્પર્શ વગર નો આ પ્રેમ કેટલો બધો રોમેન્ટિક કહેવાય ! જગત ના મોસ્ટ રોમેન્ટિક લોકો ને પણ ઈર્ષા કરાવી દે તેવો રોમેન્ટિક ! પણ મોટે ભાગે આ જગતમાં જો દિખતા હૈ વો બિકતા હૈ વાળો નિયમ લાગુ પડતો હોય છે એટલે મોસ્ટલી સારી રીતે પ્રેમ પ્રદર્શિત કરી શકતા રોમેન્ટિક લોકો મુખ્યત્વે આકર્ષણનું કેન્દ્ર બને છે , અને એ પણ ખોટું તો નથી જ ! તમને પ્રેમ વ્યક્ત કરતા નથી આવડતું , તો વેલ ધેટ્સ ઓલ રાઈટ , પણ પ્રેમ વ્યક્ત કરવામાં એક અનેરી મજા , એક અનેરો સંતોષ અને એક અનેરો લહાવો છે …. પાર્ટનર સાથે કરવામાં આવતા નખરા , મન હળવું રાખે છે અને શરીર તંદુરસ્ત …

“બૈઠે બૈઠે આહ ભરને લગે … હે …
હમ ઇક દૂજે પે મરને લગે … હે ….
હમ યે ક્યા નખરે કરને લગે રે ઇબ ક્યા હોગા … “

દિવાસ્વપ્ન એ પ્રેમીઓની ફેવરીટ પાસ્ટ ટાઈમ પ્રવૃત્તિ છે. વેલ જોકે એ સપનાઓ .. સપના ઓછા અને ફેન્ટસીસ વધુ હોય છે. જાત જાતની અને ભાત ભાતની કલ્પનાઓ ! એકથી એક ચડિયાતા રોમેન્ટિક વિઝુઅલસ ! આ બાબતમાં પણ જે વધુ રોમેન્ટિક હોય તે ફાઈ જાય કારણ કે ઓબવિયસલી રોમેન્ટિક માણસના વિઝ્યુઅલ્સ પણ વધુ રોમેન્ટિક હોય ! વાત પ્રેમની હોય કે બીજા કશાની … મારા વિઝ્યુઅલ્સ પણ મોટે ભાગે ખુબ રોમેન્ટિક રહ્યા છે. અહિયાં રોમેન્ટિક શબ્દ બ્રોડ સેન્સમાં પ્રયોજ્યો છે. રોમેન્ટીસીઝ્મ કોઈ પણ વસ્તુ ને લઈને હોઈ શકે ! કોઈ પણ બાબત પાછળ ઘેલા થઇ ને ફેન્ટસીસ ડેવલપ કરવી …. જે તે બાબત જેટલી ભવ્ય હોય એથી હજાર ગણી ભવ્ય કલ્પીને એના વિઝ્યુઅલ્સ માં રાચવું એ રોમેન્ટીસીઝ્મ છે. અને હું તો ઘણી બાબતો પ્રત્યે રોમેન્ટિક વલણ ધરાવું છું અફકોર્સ એમાં પ્રેમ પણ સમાવિષ્ઠ છે.
હું ચાંદ તારા સાથે પણ રોમેન્સ કરી ચુક્યો છું , કોલેજના એ દિવસો હતા ને હું ગેલેરીમાં બેસી ને વાંચતો . ઈંગ્લીશ લીટરેચર મારો પ્રિય વિષય અને મેં એ સબ્જેક્ટ સાથે બી.એ. કરેલું એટલે વાંચવામાં ધ્યાન તો પૂરે પૂરું રહેતું , પણ વાંચન પ્રક્રિયા પૂર્ણ થયા બાદ એકાદ કલ્લાક સર્જન પ્રક્રિયા પાછળ વિતાવવામાં આવતો. ત્યારે હું કવિતાઓ ખુબ લખતો – એમાં ચાંદ તારના ઉલ્લેખ પણ આવતા ! અને સર્જન પ્રક્રીયા સમાપ્ત થાય પછી પણ પથારીમાં પડતા ભેગું સુઈ નહિ જવાનું , વોક્મેનમાં કેસેટ ભરાવી ને સાંભળવાની ! થોડી ઈમ્મેચ્યોર એવી એ એજમાં ગીતના શબ્દો સાલા સ્પર્શી જતા , પછી તો ગીતની સાથે સંકળાયેલી ફેન્ટસીસ નો સિલસિલો શરુ થતો , અને આંખ બંધ થતા જ સ્વપ્નમાં પરિણમતો . અને સવાર પડતા જ રાતે જોયેલા સપનામાં દિવાસ્વપ્ન મસાલો ભરતા – નવી ફેન્ટસીસ ઉમેરતા – નવા વિઝ્યુઅલ્સ … રોજ એક નવી જ મનભાવન દુનિયા …. સાલો શું જમાનો હતો ! જગતભર ની ખુશી પોતાનામાં જ સમાયેલી હતી , જગતને મુબારક તેના કડવા સત્યો અમને તો વ્હાલી હતી અમારી મીઠી ફેન્ટસીસ !

“અબ દિન કો સપને આને લગે … હે …
તારો સે આંખ ચૂરાને લગે … હે …
હમ અપને સે શરમાને લગે રે ઇબ ક્યા હોગા …”

આ ગીતનો લહાવો ઓડિયો અને વિયુઅલ્લિ એમ બંને રીતે લેવા જેવો છે , ગીત પણ નાનકડું જ છે , જોવામાં વધારે સમય નહિ લાગે, કરી દ્યો નીચે આપેલ વિડીયો પર ક્લિક ….  અને હા , ત્રણ મીનીટનું આ ગીત પૂરું થતાની સાથે જ શરુ થશે આ ગીતની ગાયિકા રાજકુમારી દુબે નો લાઈવ વિડીયો , આ જ ગીત નો ! ખુબ રેર આ વિડીયો  અમુલ્ય ભેટ સમાન  છે.

i am a bachelor ! કુંવારો છું ભાઈ …. !

ફિલ્મ – હિમાલય પુત્ર

વર્ષ – ૧૯૯૭

ગીત – આઈ એમ એ બેચલર

ગાયક – વિનોદ રાઠોડ

ગીતકાર – દેવ કોહલી

સંગીત – અનુ મલિક

વિનોદ ખન્ના ના પુત્ર અક્ષય ખન્ના ની આ પહેલી ફિલ્મ “હિમાલય પુત્ર “ આવી ત્યારે હૂં ઘણો નાનો હતો , અને ટીવી માં આવતું આ ગીત એ સમયે મને ખૂબ ગમી ગયેલું .img બેચલર એટલે કુંવારો, પણ ત્યારે મારી સમજ પ્રમાણે મેં એવો અર્થ કાઢેલો કે બેચલર એટલે ગ્રેજ્યુએટ . કારણ કે બેચલર ડીગ્રીસ ના ફૂલ ફોર્મસ ની મને ખબર હતી . અને એટલી નાની ઉમ્મર માં એ ફૂલ ફોર્મસ ખબર હતી એનું કારણ એ કે મારા મામા ને ત્યાં (આ ફિલ્મ આવી ત્યારે હું મારા મામાને ત્યાં રોકવા ગયેલો ) એમની ગ્રેજ્યુએશન ની ડીગ્રી મઢાવી ને દીવાલ પર ટીંગાડેલી હતી , એટલે એ સંદર્ભે આ શું છે ને આમ એટલે શું ને તેમ એટલે શું જેવા સવાલો એ વખતે કરી ને આ જ્ઞાન પ્રાપ્ત કરેલું જે મેં “હિમાલય પુત્ર “ સંદર્ભે પ્રયોજી દીધું . મામાના ગામ ગારીયાધારમાં આવેલી અર્જુન ટોકીઝમાં આ ફિલ્મ આવેલી , અને મારી આ ફિલ્મ જોવાની ખુબ ઈચ્છા હતી , અફકોર્સ આ ગીતના કારણે જ !પણ ફિલ્મ રીલીઝ થતા જ બધે થી રિવ્યુઝ એવા આવવા લાગ્યા કે ફિલ્મ સાવ બેકાર છે , એટલે મારા (મામાના છોકરા ) ભાઈશ્રી અભિજિતભાઈ એ ફિલ્મ જોવા જવાનો વિચાર માંડી વાળ્યો , અને હું બિચારો ટાબરિયો એકલો તો જઈ ના શકું – આજ દિન સુધી આ ફિલ્મ જોઈ શકાઈ નથી , જોકે એનું કારણ તો એટલું જ કે સમયની સાથે આ ફિલ્મ જોવાનું એક્સાઈટમેન્ટ પણ જતું રહ્યું .

                             ત્યારે મેં આ ગીતમાં મારી રીસર્ચ થી મેળવેલા જ્ઞાનને પ્રયોજ્યું હોવાથી આ ગીતનો અર્થ હું એવો કરતો કે અક્ષય ખન્ના એ બેચલર અર્થાત ગ્રેજ્યુએટ થઇ ચુક્યો છે. અને છોકરીઓને એપ્રોચ કરવામાં સૌથી પહેલું વાક્ય એ  “આઈ એમ એ બેચલર” બોલે છે , ધેટ મીન્સ કે છોકરીઓમાં ગ્રેજ્યુએટ છોકરાઓ ની વધુ ડીમાંડ રહેતી હશે . ત્યારે જ તો એ છોકરીઓની સામે જઈને આટલા વટ સાથે બોલે છે – આઈ એમ એ બેચલર ! ત્યારે મેં પણ વિચાર્યું કે સાલુ આપડે પણ ગ્રેજ્યુએટ થઈશું પછી છોકરીઓની વચ્ચે જઈને આવા વટ મારીશું –

“આઈ એમ એ બેચલર , અકેલા હૂં બીમાર હૂં

ચાહું ઇક લડકી જો કહે મેં ઉસકા યાર હૂં

આંખે હો જિસકી કાલી , હોંઠો પે જિસકે ગાલી ,

ઐસી લડકી સે મિલને કો મેં બેકરાર હૂં “

                                       થોડો મોટો થયો ત્યારે ખબર પડી કે છોકરીઓ સામે જઈને “આઈ એમ એ બેચલર” ગાવા માટે ગ્રેજ્યુએટ હોવું જરૂરી નથી , પણ ત્યારે એ સમજણ આવી ગઈ હોવા છતાં કઈ ખાસ ખુશી ના થઇ કારણ કે ત્યારે એ પણ સમજણ આવી ગઈ હતી કે ખરેખરમાં આવી રીતે છોકરીઓ સામે જઈને ગીત ના ગવાય , એપ્રોચ ના કરાય , અને જો કરીએ તો માર પડે, છોકરીઓ નો માર તો ખાઈ પણ લઈએ , પણ આ તો પબ્લીકનો માર પડે. છોકરીઓ ના તો માર માં પણ અમે હરખાઈ જતા, એમ વિચારીને કે સાલું એ બહાને એણે મને ટચ તો કર્યું ! સ્કુલ- કોલેજમાં મેં એવા છોકરાઓ પણ જોયા છે કે જે છોકરીને વાતે વાતે માર્યા કરવાની આદત હોય એવી છોકરીઓ આગળ જઈને જ એ છોકરાઓ મસ્તી કર્યા કરે , અને પછી પેલી મારે એટલે એ છોકરાઓ એન્જોય કરે ! એના મારમાં એનો ટચ ફિલ કરે , પછી એનો હાથ પકડીને મચકોડે , સામે મારે ….. ઓહોહોહો ! સ્પર્શના કેટલા બધા મોકા ! અને દરેક મોકા પર ચોક્કા ! મને તો એ બધું બહુ છીછરું લાગતું ! હા , ક્યારેક આવી કોઈ મારકણી છોકરીની અડફેટે આવી ગયો હોઉં , અને મારા કોઈ મજાક થી છંછેડાઈ ને મને એકાદી પડી ગઈ હોય , ત્યારે હું પણ હરખાયો જરૂર છું , એ કબૂલું છું , પણ સામે થી રોજ માર ખાવા જવું , વાતે વાતે પેલીઓ ના હાથ મચકોડ્યા કરવા એ બધું મને છીછરું લાગતું .

                                         સુંદર છોકરીઓ માટે અનેક પ્રકારના શબ્દ પ્રયોગો – અલંકારો પ્રયોજવામાં આવે છે , અર્થાત કોઈ સુંદર છોકરીને જોતા જ છોકરાઓના મુખમાંથી વિવિધ પ્રકારના  ઉદગાર સરી પડતા હોય છે, જેમકે માલ ! , ફટકો ! , મઠો ! આ બધા કોમનલી બોલતા ઉદગાર છે. આવા ઉદગારો માં મારો પ્રિય ઉદગાર રહ્યો છે – ફટકો ! મારી કોલેજમાં જે પણ છોકરી મને સુંદર લાગતી એ બધી મારે મન “ફટકો” હતી ! જોકે ફટકો શબ્દ અમે ખુબ સાહજિકતા થી પ્રયોજતા ! કોઈ મિત્ર ની ગર્લફ્રેન્ડ ને “માલ “ બિલકુલ ના કહી શકાય ! આવો હીન શબ્દ ક્યારેય મિત્ર ની ગર્લ ફ્રેન્ડ માટે વપરાય ? ! એને માટે તો માત્ર એટલું જ કહી શકાય કે જો દોસ્ત , તારો ફટકો આવ્યો ! મને ગમતી છોકરી મારો ફટકો ! તને ગમતી છોકરી તારો ફટકો ! અને બધાને સમૂહ માં ગમતી છોકરી એ બધાનો કોમન ફટકો ! અને કોઈ એવી જગ્યા હોય જ્યાં સુંદર છોકરીઓ વધારે જોવા મળતી હોય , ત્યાં કોઈ મીત્ર જઈ આવે પછી એ રીપોર્ટીંગ કરે – “યાર ! મોકા બારમાં તો એક થી એક ફટકા હોય છે !”  “ચલ ને આઈ.એમ.આઈ. જઈએ, ફટકા જોવા !” પછી એવી જગ્યા એ બધા છોકરાઓ પહોંચી જાય એટલે આવા પ્રકારની વાતો થાય – “યાર , કાશ પેલો ફટકો મને મળી જાય… ! “ – “યાર , ગ્રીન વાળી મારી” , ત્યાં બીજો બોલે – “અરે રેડ વાળીને કોઈ ના જોશો એ મારો ફટકો છે ! “ ત્યાં જ એકદો ભડકી ઊઠે “ચલ ચલ , તારા પહેલા રેડવાળી ને મેં જોઈ , એ મારી છે “ રેડ વાળી માટે ઝગડો થાય , એ ઝગડો ચાલતો હોય ત્યાં રેડ વાળી એના કોઈ બોયફ્રેન્ડ ના આગમન પછી એની  બાઈકની પાછળ ગોઠવાઈ જાય , ત્યારે રેડ વાળીને પડતી મુકાય , અને પછી નજર પડે યલ્લો વાળી પર –

“હીર જુલિયટ નહિ અગર તો ચલેગી મુજકો જુલી

પ્યાર કી સુલી પે ચઢ જાઉં બાત બડી મામુલી

પહેલા પહેલા પ્રેમ હૈ મેરા , દિલ કા ખાલી ફ્રેમ હૈ મેરા ,

કાનો મેં જિસકે બાલી , હોગી વો નખરેવાલી ,

યારો લવમેરેજ કરને કો બિલકુલ તૈયાર હૂં  “

                                      બેચલર લાઈફમાં આવતા સપનાઓની તો વાત જ કંઈ ઔર હોય છે ! સુંદર છોકરીઓના સપનાઓના સામ્રાજ્ય ની બાદશાહી માં જીવન વીતતું હોય ! અને સવાર પડે એટલે અડધો કલ્લાક સુધી તો પથારીમાંથી ઊભા જ ના થઈએ , બસ રાતે જોયેલું સપનું મમળાવ્યા કરીએ. અને જે છોકરી નું સપનું જોયું હોય એને કોલેજમાં જઈને જોઈએ , ત્યારે સહજ રીતે મલકાઈ જવાય ! આવા ડ્રીમ્સ પણ સહજતા થી મિત્રો એકબીજા સાથે શેર કરતા ! – “યાર , કાલે તો તારા ભાભી સપનામાં આવેલા ! “  કોણ કહે છે કે છોકરાઓ છોકરીઓને રીસ્પેકટ નથી કરતા ! જયારે પણ એકબીજાની પ્રેયસી વિષે વાત કરે ત્યારે “તારા ભાભી “  ને “મારા ભાભી “ જેવા જ શબ્દો પ્રયોજે ! કેવા શરમાળ અને માન-મર્યાદા-સંસ્કૃતિ નું જતન કરનારા હોય છે છોકરાઓ ! અને છોકરીઓ ?! ક્યારેય એમના મોઢે સાંભળ્યું છે કે “તારા જીજાજી “ ને “મારા જીજાજી “ કહી કહી ને પોતાના બોયફ્રેન્ડસ વિષે વાત કરતી હોય ! એતો જે તે છોકરાની વાત ડાયરેક્ટ એનું નામ લઈ ને જ કરે!

વેલ અફકોર્સ , આ તો એક રમૂજ થઇ , બટ આઈ વુડ લાઈક ટૂ સે કે એ સપનાઓ ની સુંદરી નો હાથ પકડવો , અને કાયમ માટે પકડવો. હાથ મચકોડયા કરવાથી કંઈ નહિ મળે , સાચો પ્રેમ તો પહેલા સ્પર્શમાં જ ઓળખાઈ જશે. હા , પહેલી નજરમાં માત્ર આકર્ષણ જ નહિ , પ્રેમ પણ હોય છે “લવ એટ ફર્સ્ટ સાઈટ !” હું એવું દ્રઢ પણ માનું છું કે પ્રેમ કરવા માટે એકબીજાને ઓળખવાની જરૂર નથી . એકબીજાને સારી રીતે ઓળખીને પણ લોકો ક્યાં સંબંધ ટકાવી શકતા હોય છે ! કોઈને જોતા જ અંજાઈ જવું , એને જીવન સોંપી દેવા તૈયાર થઇ જવું એ પ્રેમ જ છે ! નથી એ વહેમ ! એ જેવી હશે એવી , મારી હશે , ઘરવાળી હશે ! પ્રેમ થાય ત્યારે લાગે એ ભોળી ભાળી , અને ઘરવાળી બને પછી એ થાય ગુસ્સાવાળી ! અરે ભાઈ બધે આ જ છે લવારી ! જે મળે એ મેળવીને ફેરા ફરી લો કારણ કે સરવાળે બધી છોકરીઓ સરખી જ હોય છે સાલી !

“ડ્રીમ્સ દેખતા હૂં ઉસકે દેખા નહિ જિસકા ચહેરા 

તું વો લડકી નહિ હૈ કૈસે હાથ પકડ લૂ તેરા

પહેલા પહેલા પ્રેમ હૈ મેરા , દિલ કા ખાલી ફ્રેમ હૈ મેરા ,

હોગી વો ભોલી ભાલી , થોડી સી ગુસ્સેવાલી ,

ઐસી લડકી સે મિલને કો મેં બેકરાર હૂં “

તુમ હી હો – આશિકી ટૂ

ફિલ્મ – આશિકી ટૂ

વર્ષ – ૨૦૧૩

ગીત – તુમ હી હો

ગીતકાર – મિથુન

ગાયક – અરિજિત સિંગ

સંગીત – મિથુન

                                                                દોસ્તી એ શું છે ? સ્કુલમાં કે કોલેજમાં સહપાઠીઓ સાથે કેટલોક સમય સાથે વિતાવીએ , તેમની સાથે રમવા જઈએ , ફિલ્મ જોવાAashiqui_2_39503 જઈએ ઇનશોર્ટ શેરીંગ સમ ટાઈમ ટુગેધર ઈઝ ફ્રેન્ડશીપ ! કેટલીક પસંદ , નાપસંદ અને કેટલાક વિચારો મળતા હોય એટલે થઇ ગઈ ફ્રેન્ડશીપ ! દોસ્તીમાં પછીનું પગથીયું આવે ગીવ એન્ડ ટેક ! મીન્સ કે તું મારું થોડું કામ કર અને બદલામાં હું તારું થોડું કામ કરું . હિસાબ બરાબર ! કોઈ એક મિત્ર બીજા માટે કામ કર્યે જ જાય અને બીજો એના માટે કશું નાં કરે – એવું ના જોવા મળે , અથવા તો ભાગ્યે જ જોવા મળે. પણ પ્રેમીઓ માં આવું ખુબ જોવા મળે કે કોઈ સંબંધમાં માત્ર એકલો છોકરો કે એકલી છોકરી જ બધા કોમ્પ્રોમાઈઝ કરતુ હોય , અને બીજું વ્યક્તિ પોતાનું ધાર્યું કર્યે રાખતું હોય. છતાય આવા સંબંધો તૂટતા નથી, ટકી જાય છે. કેમ ? કેમ કે આ જ તો ફરક છે દોસ્તી અને આશિકી વચ્ચે ! હિયર આઈ ડોન્ટ મીન કે દોસ્તીમાં પ્રેમ નથી હોતો , હોય છે , જરૂર હોય છે . પણ કપલ – પ્રેમી પંખીડાઓ વચ્ચે એકબીજા માટે ક્યાંક થોડી કે વધુ આશિકી હોય છે , અને એ આશિકી એ પાગલપન છે , એમાં કઈ પણ કરી છૂટવાની તૈયારી છે. દોસ્ત વગર જીવવું અઘરું છે કારણ કે દોસ્ત સાથે સમય પસાર કરવો ગમે છે , વિચારોની આપ – લે કરવી ગમે છે, સાથે એ મિત્ર માટે દિલમાં લાગણી પણ હોય એટલે બીજા મિત્રો ની હાજરી હોય છતાં કોઈ એક ખાસ મિત્રની હાજરી ના હોય તો અધૂરું લાગે.
પણ પ્રેમી વગર જીવવું માત્ર અઘરું જ નહિ , અશક્ય થઇ પડે . કારણ કે એની સાથે માત્ર સમય પસાર નથી કર્યો હોતો , એની સાથે સમયને ભૂલી ને જીવ્યા હોઈએ છીએ. માત્ર સાથે જીવ્યા નથી હોતા પણ એના માટે જીવ્યા હોઈએ છીએ. માત્ર જીવનમાં એનું સ્થાન નથી હોતું પણ એ છે તો જીવન છે, એના માટે જ જીવન છે , એના થકી જ જીવન છે અને એની સાથે જ જીવન છે એવું માની ને ચાલનાર આશિકના જીવનમાં પોતાના પ્રેમ ના અસ્તિત્વ થકી જ એનું પોતાનું અસ્તિત્વ – વજૂદ બનતું હોય છે.

“હમ તેરે બિન અબ રહે નહિ સકતે ,
તેરે બીના ક્યા વજૂદ મેરા ,
તુજ સે જુદા અગર હો જાયેંગે ,
તો ખુદ સે હી હો જાયેંગે જુદા ,
ક્યોંકી તુમ હી હો , અબ તુમ હી હો ,
ઝીંદગી અબ તુમ હી હો , ચેન ભી , મેરા દર્દ ભી ,
મેરી આશિકી અબ તુમ હી હો .”

પ્રેમીઓ વચ્ચે મનભેદ નથી હોતા , પણ મતભેદ જરૂર હોય છે , અને મતભેદ હોય એટલે ઝગડા પણ થાય , અને ઝગડા થાય તો પણ268b8ec019913d61296a6a9dabe4e7b4_ls બંને પ્રેમી એકબીજાથી થોડા સમય માટે પણ દૂર ના જાય . દૂર જાય તો પણ એકબીજાના જ વિચારો કરે , અને એ વિચારો એમને એકબીજા તરફ જ દોરે , પછી કાં તો ઝગડો આગળ ધપાવવા તેઓ નજીક આવે , અને કાં તો ઝગડાનો અંત કરવા નજીક આવે . પણ નજીક જરૂર આવે ! સાથે રહી ને ઝગડાઓ કરવાનું તેમને પોસાય પણ દૂર જવું ના પોસાય. કારણ કે તેઓ એકબીજાનું જીવન એકબીજા સાથે વહેંચી ને જીવવા ટેવાયેલા હોય . જીવનના અનેક કામ ની વચ્ચે એકબીજાને હુંફ આપવાનું અને એકબીજાની હુંફ મેળવવાનું કામ તેઓ ક્યારેય છોડતા નથી . એટલે જ તો પતિને ઓફિસમાં ટીફીન આપવા માટે પત્ની આવે . પત્નીને ક્યાંક જવું હોય તો પતિ સમય કાઢીને એને મુકવા આવે ! અને તેમને એકબીજાથી અલગ ન થવા દેતું ચુંબકીય તત્વ એમને એવો વિચાર પણ ન લાવવા દે કે ટીફીન બીજા કોઈ થકી મોકલાવી શકાય ,અને પત્ની ને ક્યાય જવું હોય તો એ રીક્ષામાં પણ જઈ શકે. પ્રેમીઓ એકબીજાની રાહ કલ્લાકો સુધી જોતા હોય છે. અને પ્રિયજન માટે કલ્લાકો સુધી રાહ જોવી એતો બહુ નાની સુની વાત છે ,આશિક તો દિવસો , વર્ષો અને સદીઓ સુધી રાહ જોઈ શકે છે , એની આશિકી માટે , જેને એ પોતાની જિંદગી માને છે ..

“તેરા મેરા રિશ્તા હૈ કૈસા ,
ઇક પલ દૂર ગવારા નહિ ,
તેરે લિયે હર રોઝ હૈ જીતે ,
તુજકો દિયા મેરા વક્ત સભી ,
કોઈ લમહા મેરા ના હો તેરે બીના ,
હર સાંસ પે નામ તેરા …”

કોઈના માટે જીવવાની આદત પડે પછી એ છૂટતી નથી. રોજ પોતાના પતિ માટે ચા બનાવીને એની સાથે ચા પીવાની આદતAashiqui-2-Movie-Poster-tbwm ધરાવતી પત્નીને જો ક્યારેક એકલા ચા પીવાની આવે તો એને માટે એ પરિસ્થિતિ ખુબ અઘરી થઇ પડે , પછી એ પોતાના પતિનો સાથ અનુભવવા કોઈ સ્મૃતિચિન્હ પાસે રાખીને ચા પીશે. અને સૌથી નજીક અને સૌથી હાથવગું સ્મૃતિચિન્હ હોય છે એ પતિ એ પહેરાવેલી વીંટી . એ વીંટી પહેરેલા હાથે ચાનો કપ પકડી ને બીજો હાથ પોતાના એ વીંટીવાળા હાથ પર મુકશે . એમ બંને હાથેથી ચાનો કપ પકડવાથી વીંટીનો સ્પર્શ થઇ શકે. વીચારોના વંટોળ, વીંટી પર ફરતી આંગળીઓ અને આંખના ઊભરતા સમુદ્રો – ચાની પહેલી અને છેલ્લી ચૂસકી વચ્ચે ઝડપભેર એક તોફાન આવીને ચાલ્યું જાય.

                                                                    પ્રેમિકાને આપવા માટે બગીચામાંથી રોજ ફૂલ તોડતો એનો આશિક જો એની આશિકી થી છૂટો પડે તો પણ એ રોજ બગીચામાં જશે – ફૂલ તોડશે અને સાંજ સુધી એ ફૂલ ને સાચવી રાખશે. પ્રેમિકા કોઈ દિવસ નથી આવતી – અને ફૂલ રોજ એમ જ કરમાઈ જાય છે . આશાઓ અને લાગણીઓ પણ ફૂલ જેવી જ કોમળ હોય છે ને !

                                                                પ્રેમીનું જીવન પ્રિયજન વગર હોય કે પ્રિયજન સાથે હોય , બંને પરિસ્થિતિમાં એનું જીવન પ્રિયજન માટે જ હોય છે . પોતાની જાતને , પોતાના નસીબને તેણે પ્રિયજનને જ સોંપી દીધું હોય છે . તારા વગર અધુરો છું , તારી સાથે પૂરો છું – વફા કરીશ તો મહેકતો રહીશ , નહિ તો ફૂલ ની જેમ કરમાઈને ખરી પડીશ …

“તેરે લિયે હી જીયા મેં
ખુદ કો જો યું, દે દિયા હૈ ,
તેરી વફા ને મુજકો સંભાલા
સારે ગમોં કો દિલ સે નિકાલા ,
તેરે સાથ મેરા હૈ નસીબ જૂડા,
તુજે પા કે અધૂરા ના રહા …”

                                                                       

 આ ગીતને યુટ્યુબ પર માણવા માટે અહી ક્લિક કરો 

વેલેન્ટાઈન ડે પર બનતી મુખ્ય ઘટનાઓ !

ફરી આવી ગયો વેલેન્ટાઈન ડે, આ દિવસે શું શું થાય ? આ દિવસે મુખ્યત્વે નીચે  મુજબની ઘટનાઓ થાય –

ઘટના નંબર ૧ – વાંઢાઓ જલી જલી ને મરે

ક્યુકી સાસ ભી કભી બહુ થી , એમ હું ભલે અત્યારે પરણેલો છું પણ ભાઈઓ હું પણ ક્યારેક વાંઢો હતો ,  એક વાંઢા ને વેલેન્ટાઈન ડે ના દિવસે દુનિયા કેવી દેખાય , તો ભાઈઓ , એને આખી દુનિયા લાલ અને પોતાની જાત સફેદ રંગની દેખાય. સવારથી ” મેરા જીવન કોરા કાગઝ “ જેવા ગીતો યાદ આવે, વળી પાછો કોઈ ચહેરો યાદ આવે , જ્યાં તેને ક્યારેક કશા પ્રકાર ની સંભાવનાઓ દેખાઈ હોય , અને સમય જતા એ છોકરી ને બીજા કોઈની સાથે રસ્તા પર જતા જોઈ હોય , એવો અઘરો ચહેરો આ વેલેન્ટાઈન ડે ના દિવસે ખાસ યાદ આવે , કે કાશ ત્યાં મેળ પડી ગયો હોત , તો આજે સાંજે હું પણ તેની સાથે લો – ગાર્ડન જાત અને એને લાલ રંગનો ફુગ્ગો અપાવત. આવા નિસાસા અને સાથે યાદ આવે વિવિધ પ્રકારના કેટલાક ગીતો – સચ કહે રહા હૈ દીવાના , દિલ ના કિસી સે લગાના ….

તું પ્યાર હૈ કિસી ઔર કા , તુજે ચાહતા કોઈ ઔર હૈ….

આવા ગીતો ગાતો ગાતો ભાઈ ગલ્લે પહોંચે , વળી પાછો મનમાં નિસાસો નાંખે , કાશ એ સાથે હોત તો હું અત્યારે ૧૩૫ ના મસાલા ને બદલે , ગુલાબ નું ફૂલ ખરીદવા નીકળ્યો હોત ….

૧૩૫નો મસાલો અને ગુલાબ નું ફૂલ !

૧૩૫નો મસાલો અને ગુલાબ નું ફૂલ !

પછી એ વાંઢો પોતાના જેવા જ બીજા મિત્રો સાથે ગલ્લે ગોસ્ઠી જમાવે , પછી વાત માં થી વાત નીકળે ને કોઈ બોલે ” પેલો સુરીયો , ક્યાં ગયો , આજે સવારથી દેખાયો જ નથી , એટલે કોઈક જવાબ આપે – “અરે એને તો એક પટાઈ લીધી , અને આજે એને એ ફેરવવા લઇ જવાનો છે ”

એટલે ક્યાંક થી અવાજ આવે ” છોકરીઓ સાવ કેવા કેવા ચંબુ જેવા છોકરાઓને પસંદ કરે છે , એથી આપણી જેવા હેન્ડસમ છોકરાઓ વાંઢા રહી જાય છે .

ટૂંક માં એમના માટે આ આખો  દિવસ, જલન , નિસાસા અને દર્દ ભર્યા ગીતો થી ભરપૂર હોય –

દિલ કે રાસ્તે મેં કૈસી ઠોકર મેને ખાઈ ….તન્હાઈ …..

ઘટના નંબર ૨  – રોજે રોજ સાથે રખડતા કપલીયા , આજે થોડું વધારે રખડે …

આમ તો આ કપલીયા રોજે રોજ રખડતા હોય , પણ આ દિવસે અચૂક સાથે રખડવા નીકળે , એટલે રોજ રખડવામાં ક્યારેક ક્યારેક ખાડો પડતો હોય , પણ આ દિવસે એ લોકો ને ખાડો પડે તે ના પોસાય. છોકરીના પક્ષે એટલે ના પોસાય કારણ કે એનો લુક્ખો બોયફ્રેન્ડ આ દિવસે એને ગીફ્ટ આપવાનો હોય , રોજ ગાર્ડનમાં જ કામ પતી જતું હોય એના બદલે આજે એ પિક્ચર બતાવવા લઇ જવાનો હોય , અને છેલ્લે બહાર જમાડી ને ઘરે મોકલવાનો હોય . છોકરાના પક્ષે આજ ના દિવસે ખાડો પાડવો એટલે ના પોસાય કારણ કે આ દિવસે એને થોડી વધુ ચુમ્મા ચાટી કરવા મળશે તેવી અપેક્ષા હોય , અને આ દિવસે એ છોકરી ને ઈમોશનલ બ્લેકમેઈલ પણ કરી શકે ” બકા આવું કરવાનું ?, મેં તને ગીફ્ટ આપી , તું મને એક પપ્પી પણ નઈ આપે ? ”

અને આજ ના દિવસે આવા કપલીયાઓ ને બહાર નીકળવું પણ અઘરું પડી જાય , રોજ તો ઘરે કોઈ પણ બહાનું ચાલી જાય , પણ વેલેન્ટાઈન ડે ના દિવસે છોકરો સાંજે કે રાતના સમયે બહાર નીકળે એટલે માં – બાપ ને તરત શંકા જાય અને એ પ્રશ્ન કરે “આજે જ જવું જરૂરી છે ? ”

પછી એમને પણ ઈમોશનલી બ્લેકમેઈલ જ કરવા પડે ” મને તો ખબરેય નહોતી , પણ ભૈબંધે મારી પણ પિક્ચરની ટીકીટ લઇ લીધી , આ પિક્ચર તો મને જોવાની ખુબ ઈચ્છા હતી , અને બધા દોસ્તો પણ આજે જ જાય છે , પણ વાંધો નહિ , તમે ના પાડશો તો નહિ જઉં ”

પછી ભલે ને બિચારા માં – બાપ સવારથી નક્કી કરીને બેઠા હોય કે ભલે ગમ્મે તે થાય પણ આજે તો છોકરાને ઘરની બહાર નથી જ નીકળવા દેવો તોય , આ સાંભળ્યા પછી તેમને કહેવું જ પડે ” સારું , જઈ આવ , પણ પિક્ચર પતે એટલે તરત ઘરે આવી જજે …”

ઘટના નંબર ૩ –  વિવિધ ધંધાઓ ને પ્રોત્સાહન !

ગીફ્ટ આર્ટીકલ અને ફૂલ વાળા લોકો ને માટે દિવાળી કરતા પણ મોટો અવસર આવે ! આ દિવસ આવે એટલે ફૂલની દુકાને મુરજાયેલા ફૂલ અને ગીફટની દુકાને  ફાટી ગયેલા દિલ પણ વેચાઈ જાય , એ પણ હોય એના કરતા વધારે ભાવ માં ! આજ ના દિવસે નો ડિસ્કાઊન્ટ . આખો દિવસ ઓન્લી મની કાઊન્ટ ! એજ રીતે આજના દિવસે  હોટલો વાળા પણ ફાવી જાય , એક તો ડીનર ના ભાવ વધુ લેવાના અને વીજળી નો ખર્ચો પણ બચાવવાનો ! કેન્ડલ લાઈટ ડીનર યુ સી ! અને કપલીયાઓ પાછા ખાય ઓછું અને વાતો વધારે કરે , એટલે ખાવાનું બધું પ્લેટમાં એમ નું એમ પડ્યું રહે ! એટલે એ વધેલું ખાવાનું બીજા કોઈની પ્લેટ માં ! “હેપ્પી વેલેન્ટાઈન ડે સર ! ” કહી ને ! અને આજ ના દિવસે વેઈટરો ને ટીપ પણ વધારે મળે , ઓછી ટીપ આપીએ તો સાથે આવેલી છોકરી શું વિચારે ! એજ રીતે થીયેટરો વાળા પણ ખૂબ કમાય ! આખા થીયેટરમાં ચારે બાજુ કપલીયા જ કપલીયા દેખાય ! અને ગમ્મે તેવું પિક્ચર હોય , એ દિવસે તો બોક્સ ઓફીસ બ્રેક કરી નાખે ! પિક્ચર કેવું છે એના થી શું ફરક પડે છે ,  કપલીયાઓ ને તો અંદર જઈ ને ચુમ્મા ચાટી જ કરવી છે ને !

ત્રણ ઘટનાઓ પછી ત્રણ રોમેન્ટિક વાત કરી ને આ લેખ નું સમાપન !

વાત નંબર એક – મેં , કોમલે અને મમ્મી એ આજના દિવસે સ્ટાર ગોલ્ડ પર પારિવારિક રોમેન્ટિક ફિલ્મ “કુછ કુછ હોતા હૈ “ જોઈ નાખી. એ દરમ્યાન મને જાણવા મળ્યું કે કોમલે નાનપણમાં આ ફિલ્મ જોઈ ને કાજોલ ઊર્ફે અંજલી જેવા વાળ કપાવેલા !

વાત નંબર બે – એક રોમેન્ટિક પોસ્ટ , આવતીકાલે રીલીઝ થનારી ફિલ્મ મર્ડર ૩ ના રોમેન્ટિક ગીત ” તેરી ઝુકી નઝર … ” ગીત પર !

વાત નંબર ત્રણ – એક ખુબ જ રોમેન્ટિક વેલેન્ટાઈન ડે એડ