About

મારું નામ યુવરાજ જાડેજા. એમ.એ., એમ.એડ. છું. લખવાનો શોખ નાનપણ થી. ૧૬ વર્ષ નો હતો ત્યારે પહેલી નવલકથા લખેલી (અત્યારે ૨૫ વર્ષ નો છું. જનમ તા.૯-૭-૮૭. ) એ નવલકથા નું નામ છે “અંધકાર ના રસ્તે પથરાયેલા અજવાળા”.જે “વેસ્ટર્ન ટાઈમ્સ”ની બુધવાર ની પૂર્તિ માં હપ્તાવાર પ્રકાશિત થયેલી. ગયા વર્ષે મારૂ પહેલુ પુસ્તક – નવલકથા “સળગતા શ્વાસો” પ્રકાશિત થયેલ. જેનું કવર પેજ આ બ્લોગ ના મથાળા પાસે તમને દ્રષ્ટિગોચર થયું જ હશે. ક્યારેક ક્યારેક મેગેઝીનો માં પણ લખ્યું છે. લખવા સિવાય વાંચવાનો, દેશ વિદેશ ની ટપાલ ટીકીટો સંગ્રહ કરવાનો, દુનિયાભરમાં પોસ્ટકાર્ડ મોકલવા- મેળવવાનો,તથા અલગ અલગ દેશો ના લોકો સાથે પત્ર-મૈત્રી કરવાનો શોખ છે. ફિલ્મો જોવાનો ગાંડો શોખ. હિન્દી, અંગ્રેજી,ગુજરાતી, અને દુનિયાભરની ફિલ્મો જોઉ છું. શોર્ટ ફિલ્મસ પણ બનવું છું,પણ એ ક્યારેક જ.
બ્લોગ બસ એમજ કઈ વિચાર્યા વગર શરૂ કર્યો છે. જે કઈ પણ લખું છું તે વિચાર્યા વગર, મારા અને તમારા ટાઈમ પાસ માટે. એટલે જ તો આ બ્લોગ નું સબટાઈટલ ” બાપુ નો બબડાટ” એવું રાખ્યું છે. (કેટલાક મિત્રો મને બાપુ કહી ને બોલાવે છે.) સારું ત્યારે, ગમે તો વાંચજો, and by the way, thanks for visiting my blog.