પ્રીતમ

celebrating 2nd marriage anniversary with the song – “અભી કુછ દિનો સે..”

ફિલ્મ – દિલ તો બચ્ચા હૈ જી
વર્ષ – ૨૦૧૧
ગીત – અભી કુછ દિનો સે ..
ગાયક – મોહિત ચૌહાણ
ગીતકાર – નીલેશ મિશ્રા
સંગીત – પ્રીતમ

                         નવી નવી સગાઇ થયેલી , અને શ્રીમતી સાથે વાતો ની બસ શરૂઆત જ હતી , સગાઈના દિવસે મેં એને ગીફ્ટમાં ફોન આપ્યો અને બીજા દિવસે સવારે જ

વરસાદમાં ભીંજાયેલા - અમે બંને !

વરસાદમાં ભીંજાયેલા – અમે બંને !

શ્રીમતીજીએ એ ફોનનો સદઉપયોગ કરીને મને ફોન જોડ્યો . ત્યારે મારા ફોનની કોલર ટયુન માં “રક્ત ચરિત્ર ” ફિલ્મ નું ગીત હતું – “સર જો ઊઠેગા , ધડ સે કટેગા , કહા પે છૂપેગા , કહા સે બચેગા …. ” ! શ્રીમતી ને આ કોલર ટયુન ખાસ પસંદ ન આવી , પરંતુ એના પૂજ્ય પિતાશ્રી અર્થાત મારા સસરા જી ને આ કોલર ટયુન પસંદ આવેલી , એમને કદાચ એ કોલર ટયુન સાંભળી ને સંતોષ ની લાગણી થઇ કે ના , બાકી જમાઈ સમય આવ્યે ધીંગાણું કરે એવો છે , અર્થાત પાક્કો દરબાર ! એ બી પાછા પાક્કા દરબાર , પાંચ પચ્ચીસ ને પાડી દેવાના હોય તો પહોંચી વળે , આ તો ક્યારેક પચ્ચીસ થી વધારે હોય ને આપડી જરૂર પડે તો વાંધો નો આવે !

એમ તો પાછો હું ફિલ્મ નો હીરો કરે એ બધી પ્રકારના ખેલ કરી શકું એવો સર્વગુણ સંપન્ન , એટલે કે ફાઈટીંગ ની સાથે રોમેન્સ નો બી રાજા , એટલે મેં મારી લાગણીઓ ને ગીત દ્વારા વ્યક્ત કરવા કોલર ટયુન બદલી , “રક્ત ચરિત્ર ” માંથી “રોમેન્સ ચરિત્ર ” …. !અને મેં એ સમયે નવી જ આવેલી એક ફિલ્મ નું એક નવું જ ગીત રાખ્યું , જે મારી એ સમયની લાગણીઓને પરફેક્ટ વાચા આપતું હતું , અને એ ગીત હતું …..

“અભી કુછ દિનો સે લગ રહા હૈ , બદલે બદલે સે હમ હૈ ,
હમ બૈઠે બૈઠે દિનમેં સપને દેખતે નીંદ કમ હૈ ,
અભી કુછ દિનો સે સુના હૈ દિલ કા , રોબ હી કુછ નયા હૈ ,
કોઈ રાઝ કમબખ્ત હૈ છૂપાયે , ખુદા હી જાને કે ક્યા હૈ ,
હૈ દિલ પે શક મેરા , ઇસે પ્યાર હો ગયા ,
અભી કુછ દિનો સે સોચતા હૂં , કે દિલ કી થોડી સી સૂન લૂં ,
યહાં રહેને આયેગી દિલ સજા લૂં , મેં ખ્વાબ થોડે સે બૂન લૂં ,
હૈ દિલ પે શક મેરા , ઇસે પ્યાર હો ગયા …. “

અને પછી થયો પ્રેમ ! પ્રેમ તો જોકે બહુ પહેલા થયો ! અરે ના , પછી થયો! એક્ચ્યુઅલ્લિ , કયા દિવસે કઈ સેકન્ડે થયો એ વિષે મને ખાસ કશું યાદ નથી , પણ શ્રીમતી ને બરાબર યાદ છે કે મેં ક્યારે તેને પહેલી વાર “આઈ લવ યુ ” કીધેલું ! મનમાં ને મનમાં એકબીજાને જ સર્વસ્વ માની ને ચાલી રહેલા અમે બંને , વાતો કર્યે જતા હતા , જીંદગીમાં આવેલા નવા વળાંકનો આનંદ લેવામાં મશગુલ હતા , જેવો ઝંખતા હતા તેવો જીવનસાથી મળ્યાની ખુશીમાં અમે વ્યસ્ત હતા , છતાય ઝગડો કરવાનો સમય પણ અવશ્ય નીકાળી લેતા . લડવાનું અને ઝગડવાનું અને તોય હંમેશા સાથે રહેવાનું , એવો લગભગ દરેક પતિ પત્ની વચ્ચે જોવા મળતો જીવન મંત્ર અમે તો સગાઇ પછી થી જ અપનાવી લીધેલો . હવે લગ્ન પછી તો એકબીજાના જ વાંકો દેખાય , પણ એ સમયે અમને પોતાનો વાંક પહેલા દેખાતો , એટલે કે ઝગડો જયારે સમાપનને આરે હોય ત્યારે એકબીજા જોડે સોરી બોલાવવાને બદલે અમે પોત પોતાનું સોરી એકબીજાને સામે થી અર્પણ કરતા , અને શરૂઆત ના એ દિવસો ના પહેલા પહેલા ઝગડાઓ ના એક ઝગડામાં કારણ રૂપ હું હતો . એ ઝગડો જાણે એમ હતો કે શ્રીમતી એ પહેલી વાર મારી આંખોના ખૂબ વખાણ કર્યા , હું બરાબર ફૂલાઈ રહ્યો હતો ત્યાં જ તેણે કહ્યું કે પહેલી વાર કોઈ ની આંખો એ આવો જાદુ કર્યો , અને પછી ભૂલ સુધારતી હોય તેમ બોલી કે આમ તો પહેલીવાર નહિ પણ બીજીવાર ! પહેલી વાર તો અમિતાભ બચ્ચન ! યસ , શ્રીમતીજી નો મોસ્ટ ફેવરીટ હીરો બચ્ચન, અને બચ્ચન તો રીલ લાઈફમાં એન્ગ્રી યંગ મેન પણ હું તો રીયલ લાઈફમાં એન્ગ્રી અને સાથે ખુબ પઝેસીવ પણ ખરો , એટલે એની એ વાત પર હું રિસાયો છું એમ મેં જાહેર કર્યું અને પછી ની ક્ષણોમાં એના ફોન પણ મેં રીસીવ ન કર્યા , અને આ રીતે થઇ ગઈ એ ઝગડાની શરૂઆત . પછી જોકે મેં મારી ભૂલ કબૂલ કરેલી , અને એ રીતે ઝગડો સમાપ્તિને આરે આવેલો .

“તું બેખબર , યા સબ ખબર ,ઇક દીન ઝરા મેરે માસુમ દિલ પે ગૌર કર ,
પરદો મે મેં , રખ લૂં તુજે , કે દિલ તેરા આ ન જાયે કહી યે ગૈર પર ,
હમ ભોલે હૈ , શર્મીલે હૈ , હમ હૈ ઝરા સીધે માસુમ ઇતની ખૈર કર ,
જિસ દિન કભી , ઝીદ પે અડે , હમ આયેંગે આગ કા તેરા દરિયા , તૈર કર ,
અભી કુછ દિનો સે લગે મેરા દિલ ,હૈ ધુત હો જૈસે નશે મેં ,
ક્યોં લડખડાયે , યે બહેકે ગાયે , હૈ તેરે હર રાસ્તે મેં ,
હૈ દિલ પે શક મેરા , ઇસે પ્યાર હો ગયા …”

લગ્નને ૧૫ દિવસની જ વાર હતી ને પછી તો આખી જીંદગી સાથે જ રહેવાનું હતું , છતાય બંને ના મનમાં થયા કરે – એકબીજાને મળવાની ઈચ્છા . એમાય ભાવતું હતું ને વૈધે કીધું તેમ મિત્રના લગ્ન કચ્છ માં ( શ્રીમતીજી નું પિયર પણ કચ્છ માં ) યોજાયા , એટલે એ મિત્ર ના લગ્ન એટેન્ડ કરવાને બહાને હું પહોંચી ગયો કચ્છ , જેમ તેમ કરી ને ફાધર ઇન લો ને મનાવ્યા , શ્રીમતીજીને મારી સાથે અંજાર લઇ જવા માટે . અને અમે બને જણા ઊપડ્યા અંજાર રખડવા . મિત્ર ના લગ્ન માં ખાલી ફોર્માલીટી કરવા પૂરતી હાજરી આપી આવ્યા , એ પણ જમ્યા વગર , તોય બિચારો ખુશ થઇ ગયો ને મને કહે કે પંદર દિવસ પછી તમારા પોતાના લગ્ન હોવા છતાય તમે મારા લગ્ન માં હાજરી આપી એ જ ખુબ મોટી વાત છે ! અને એ દિવસે અમે જેસલ તોરલની સમાધિ એ પણ ગયા – જેસલ તોરલ ની કથા મને વિશેષ પ્રિય , અને એ સમાધિ માટે મનમાં ખુબ નિષ્ઠા . પહેલા પણ એક વખત સમાધિ એ આવી ગયેલો , પણ શ્રીમતી સાથે ત્યાં જવાનો આનંદ જ કઈ અલગ હતો , તેના હાથે તોરલ માતા ને ચુંદડી ચઢાવી , અને મારા માટે ની એ ભાવ વિભોર ક્ષણ પસાર થઇ પછી પણ અમે અંજારમાં ખુબ રખડ્યા …. કેટલીયે ગુલ્ફીઓ ખાધી , અને છગડાઓ માં , બસો માં રખડી રખડી ને સાંજે આદિપુર (મારું સાસરું ) પરત આવ્યા ! અને એ દિવસે જેટલા આનંદ થી મળેલા એટલા જ આનંદ થી વિખુટા પડ્યા , કારણ કે ૧૫ દિવસ પછી હતો અમારા જીવનનો સૌથી મોટો ઉત્સવ ! – લગ્નોત્સવ ! અને એ ઉત્સવનો રાજીપો અમને કેટલો હતો એની અમને બંને ને જ ખબર હતી !

” બન કે શહેર , ચલ રાત ભર , તું ઔર મેં તો મુસાફિર ભટકતે હમ ફિરે ,
ચલ રાસ્તે , જહા લે ચલે, સપનો કે ફિર તેરી આહો મેં થક કે હમ ગીરે ,
કોઈ પ્યાર કી , તરકીબ હો , નુસ્ખે કોઈ જો સિખાયે તો હમ ભી સીખ લે ,
યે પ્યાર હૈ , રહેતા કહા , કોઈ હમસે કહે ઉસસે જા કે પૂછ લે ,
મેં સંભાલુ પાઉં , ફિસલ ન જાઉં , નયી નયી દોસ્તી હૈ ,
ઝરા દેખ ભાલ , સંભલ કે ચલના, કહે રહી ઝીંદગી હૈ ,
હૈ દિલ પે શક મેરા , ઇસે પ્યાર હો ગયા … “

આજે અમારા લગ્નને ૨ વર્ષ પૂરા થયા છે ! યસ , આજના જ દિવસે બે વર્ષ પહેલા અર્થાત ૨૧ મે ૨૦૧૧ ના રોજ અમે બંને એકબીજા સાથે જોડાયા , “હું” અને “તું” માંથી “અમે” બન્યા. અને આજે પણ યાદ કરીએ છીએ અને હંમેશા કરતા રહીશું , તાજ્જા તાજ્જા પ્રેમની તાજ્જી તાજ્જી લાગણીઓ ને વાચા આપતું આ ગીત – હૈ દિલ પે શક મેરા , ઇસે પ્યાર હો ગયા …. લ લ લા લ લા …. લ લા લા ….. !!!!

 & here’s the  you tube link of this song  : http://www.youtube.com/watch?v=fbdxYoFb64g

તેરી ઝુકી નઝર – મર્ડર 3

ફિલ્મ – મર્ડર થ્રી
વર્ષ – ૨૦૧૩
ગીત – તેરી ઝુકી નઝર
ગાયક – શફ્કત અમાનત અલી ખાન
સંગીત – પ્રીતમ
ગીતકાર – સયીદ કાદરી

remote_image_7878908501

મારા સ્વભાવ મુજબ મને પહેલેથી બહુ ઓછું બોલવાની ટેવ , અને એવી જ રીતે એકલા રખડ્યા કરવાની પણ બહુ ટેવ , પત્ની સાથેની પહેલી મુલાકાત માં મેં તેને કહેલું કે મને ફિલ્મો જોવાનો જબરો શોખ છે , હું અઠવાડિયામાં એવરેજ ત્રણેક ફિલ્મ થીયેટરમાં જોઈ નાખું , એટલે એણે પૂછ્યું કે કોની સાથે જોવા જાઓ , મેં કહ્યું – એકલો જ ! અઠવાડિયામાં ત્રણ – ત્રણ પિક્ચર જોવા વળી કોણ સાથે આવે ! હું એકલો હોઉં ત્યારે ભાગ્યે જ એવું બને કે મને એકલું લાગતું હોય , કારણ કે મને મારા વિચારો નો, એટલે કે ખુદનો સાથ હંમેશા હોય , અને ખુદ ના સાથમાં હું ક્યારેય બોર નથી થતો , પણ કોઈ બોરિંગ વ્યક્તિ ના સાથમાં જરૂર બોર થઇ શકું – ત્યારે વિચાર આવે કે આ પ્રાણીને સાથે લીધું એના કરતા એકલો જ નીકળી પડ્યો હોત તો સારું થાત. અને શાંત જગ્યા કરતા મને ભીડ વાળી જગ્યા પર રખડવું વિશેષ ગમે – કારણ કે મને લોકો ને ઓબ્ઝર્વ કરવા ખુબ ગમે – લોકો મને પૂછતા કે નવી નવી નવલકથા માટે તમને નવી નવી વાર્તાઓ ક્યાં થી દિમાગમાં આવે છે – ક્યારેક તમારી વાર્તાઓ ખૂટી પડશે તો ? હું જવાબ આપતો કે આ દુનિયાના દરેક ચહેરામાં મને એક વાર્તા દેખાય છે , માટે મારી વાર્તાઓ તો નહિ પણ જીંદગી જ ખૂટી પડશે.
હું પુરુષ જાતી નો માનવી એટલે સ્વભાવીક રીતે છોકરીઓ ને ઓબ્ઝર્વ વધારે કરું , જોકે કોઈ છોકરીની સુંદરતા એ નજરો ને એના તરફ વાળી હોય , પણ પછી તેનું વર્તન પણ ઓબ્ઝેર્વ કરવા લાગુ , અને સૌથી વધારે મજા પડે પ્રેમી યુગલોને ઓબ્ઝર્વ કરવાની , અને એ યુગલ માં ય મારું ધ્યાન કેન્દ્રિત થાય એ છોકરી તરફ , જે એના પ્રેમી ને વ્હાલ ભરી નજરે જોઈ રહી હોય. પ્રેમમાં પડેલી છોકરીનું ઓબ્ઝર્વેશન કરવાની એક અલગ મજા હોય છે. ટીન એજ માં ટીપીકલ રોમેન્ટિક ફિલ્મો જોતી વખતે હીરોની બહાદુરી કરતા હું હિરોઈન પ્રેમમાં કઈ પરાકાષ્ઠા પર જઈ શકે છે , તેની નોંધ વિશેષ લેતો. અને યુગલો ને ઓબ્ઝર્વ કરતી વખતે જાત જાતની અને ભાત ભાતની પ્રેમિકાઓ જોવા મળે. કોઈ પોતાના પ્રેમી નો હાથ હકથી પકડીને બેઠેલી હોય, કોઈ છોકરીએ પોતાના પ્રેમી નો હાથ એવી રીતે પકડ્યો હોય જાણે તે એને ક્યારેય પોતાનાથી દૂર જવા દેવા માંગતી જ ન હોય – “ઇન્સીક્યોરીટી” યુ સી ! કોઈ પોતાના પ્રેમી ની આંગળીઓ માં આંગળીઓ પરોવીને પ્રેમના સૂર છેડતી હોય – જાણે કે કોઈ સંગીતકાર એકદમ આરામથી પોતાનું વાજિંત્ર વગાડી ને નીકળતા સુરો નો આનંદ લઇ રહ્યો હોય.
અને રસ્તા પરથી પસાર થતી કોઈ છોકરી શરમાતા શરમાતા, આંખો ઢાળી ને કોઈની સાથે ફોન પર વાતો કરી રહી હોય ત્યારે એની નજર માં રહેલો હરખ જોઈ ને મારા હોઠ પણ મલકાઈ જાય, અને મનોમન કહેવાઈ જાય –

“ચાહે કુછ ના કહેના , ભલે ચુપ તું રહેના ,
મુજે હૈ પતા , તેરે પ્યાર કા ,
ખામોશ ચહેરા, આંખો પે પહેરા
ખુદ હૈ ગવાહ , તેરે પ્યાર કા
તેરી ઝુકી નઝર , તેરી હર અદા ,
મુજે કહે રહી હૈ યે દાસ્તાં ,
કોઈ શક્સ હૈ જો કી ઇન દિનોં ,
તેરે ઝેહનો – દિલ પે હૈ છા ગયા “

પ્રેમમાં પડેલી છોકરી ની કલ્પના પણ કરીએ તો પણ એવું ચિત્ર જ પહેલું દિમાગમાં આવે કે તે પોતાના પ્રેમીના વિચારોમાં ખોવાયેલી છે , અને શરમાઈ ને તે પોતાના વાળની લટને કાન પાછળ સરકાવે છે. એવી જ રીતે કોઈ પ્રેમી પોતાની પ્રેમિકાની લટને સંવારે , ત્યારે પણ તે પ્રેમિકા શરમાઈ ને નજરો ઢાળી દેતી હોય છે. જોકે કોઈ પણ છોકરીની લટ તેના કપાળ પર વિખરાયેલી હોય ત્યારે તે છોકરી વધુ સુંદર લાગતી હોય છે , તો પછી કેમ તેનો પ્રેમી એ લટને સરખી કરે છે !? , વેલ , મારા મત મુજબ તો લટ સરખી કરવી એ તો એને સ્પર્શવાનું એક બહાનું હોય છે . એક વિચાર એવો પણ આવે કે પ્રેમીને તેની પ્રેમિકાના ચહેરાને સ્પર્શ કરવા માટે બહાના ની શી જરૂર , એતો એમનેમ પણ એને મન થાય ત્યારે સ્પર્શ કરી શકે , વ્હાલ કરી શકે ! પણ વ્હાલ એ ત્યારે જ કરે ને , જયારે તેને વ્હાલ કરવાનો ઊભરો આવે , અને વ્હાલ કરવાનો ઊભરો ત્યારે વિશેષ આવે જયારે પ્રેમિકાની લટ તેના કપાળ પર વિખરાયેલી હોય , લટ અચાનક વિખરાઈ ને કપાળ પર આવે ત્યારે જ અચાનક ઊભરાઈ આવે તે સુંદરી પર વ્હાલ , અને આંગળીઓ બેકાબુ થઈને જઈ પહોંચે એ સુંદર ચહેરા પર, એ આરસ સમી ત્વચાને સહેલાવવા ….
491086-MurderPHOTOSFILE-1357655979-355-640x480
સુંદર ખીલેલું ફૂલ જોઈ ને લોકો તેને ચૂંટી લેતા હોય છે તેમ વિખરાયેલી લટને પણ પ્રેમીઓ સ્પર્શી લેતા હોય છે , પણ કેટલાક ફૂલ જેમ ચૂંટાતા બચી જાય છે અને , તેથી છોડની શોભામાં , બગીચાના માહોલની સુંદરતામાં અભિવૃદ્ધિ કરતા હોય છે તેમ કેટલીક લટો પણ પ્રેમીઓ ના સ્પર્શથી બચી જતી હોય છે , અને પછી એ વિખરાયેલી લટ એ યુવતી ની સુંદરતામાં અભિવૃદ્ધિ કરે છે , અને એ સુંદરતા વાતાવરણમાં એક અનોખી મહેક પ્રસરાવે છે , હા , એવું બને છે , સુંદર ઝુલ્ફો મસ્ત બની ને હવામાં લહેરાય છે જયારે કોઈ પ્રેમી બાઈક ચલાવી રહ્યો હોય અને પાછળ બેઠેલી એની પ્રેમિકાની ઝુલ્ફો તેના કપાળ પર વિખરાઈ હોય , હવાનો હાથ પકડીને નૃત્ય કરતી હોય , પાગલ બનીને, મદમસ્ત બનીને , ઝૂમતી હોય ….

“તેરી ઝુલ્ફ જબ ભી બિખર જાતી હૈ ,
એ હસીન , તું ઔર હસીન હો જાતી હૈ ,
જો કિતાબો મેં પઢતે રહે આજ તક ,
વો પરી હમકો તુજ મેં નઝર આતી હૈ “

સલામ છે તને પ્રેમિકા , સલામ તારા પ્રેમને , વ્હાલને અને તારી એ બાંહો ના શેલ્ટર ને જેમાં વિસામો લે છે તારા પ્રેમી નું મન , તેનું વ્યક્તિત્વ , તેનું સર્વસ્વ –

“તેરી હી બાહોં મેં , પનાહો મેં ..
રહેના મુજે હરદમ સદા “

એક લડકી કી તુમ્હે ક્યા સુનાઉં દાસ્તાં

ફિલ્મ – મેરે યાર કી શાદી હૈ
વર્ષ – ૨૦૦૨
ગીત – એક લડકી કી તુમ્હે ક્યા સુનાઉં દાસ્તાં
ગાયક – ઉદિત નારાયણ , અલકા યાજ્ઞિક
ગીતકાર – જાવેદ અખ્તર
સંગીત – પ્રીતમ , જીત ગાંગુલી

ફિલ્મ “મેરે યાર કી શાદી હૈ” આવી ત્યારે તેનું મોટ્ટુ પોસ્ટર મારા રૂમમાં લાગેલું ! મારી આખી લાઈફમાં સૌથી વધારે ફિલ્મો નું આકર્ષણ મને એ અરસામાં હતું. ૧૫- ૧૬ વર્ષથી લઈને ૨૦- ૨૧ વર્ષ સુધીનો ગાળો. વેલ , આ ગીત દ્વારા મારે વાત કરવી છે એક છોકરીની , એનું નામ અલ્પા હતું. લગભગ પ્રાઈમરી થી મારી સાથે સ્કુલમાં હતી. અમારા વખતમાં કેટલાક મહા ગીલીન્ડરોને બાદ કરતા મારી સ્કુલમાં માહોલ એવો હતો કે છોકરાઓ અને છોકરીઓ એક બીજા સાથે વાત ન કરે , અથવાતો ઓછી, કામ પુરતી વાત કરે. આમ વર્ષોથી એક જ ક્લાસમાં સાથે હોય એટલે એક બીજાને ઓળખતા જરૂર હોય કે આ હોશિયાર, આ ડફોળ , આ ડાહ્યો , આ ગીલીન્ડર! બસ, એ જ રીતે હું પણ અલ્પાને પ્રાઈમરીથી ઓળખતો હતો , ભણવામાં હોશિયાર અને એવરેજ ની વચ્ચે. એટલે કે ક્લાસમાં પહેલો નંબર નહિ પણ દસમો કે પંદરમો તો આવે ! અને મારું પણ ડીટ્ટો એવું. મારો અને અલ્પાનો રેન્ક આગળ પાછળ જ આવે , એક બે ટકાનો જ ફેર હોય. એ છોકરી બહુ હસમુખી , કાયમ એના ચહેરા પર મીઠું સ્મિત જોવા મળતું. વાન ગોરો , ચહેરો ગોળ , નમણાશ વાળો. અને વાળમાં તેલ નાંખીને ચપો ચપ ઓળ્યા હોય. ક્લાસમાં બધા છોકરાઓ, છોકરીઓ અને શિક્ષકોની નજર નાનકડી અલ્પા પર ઠરેલી રહેતી, કારણ કે એ બધા કરતા અલગ, બધા કરતા નિરાળી હતી..

“એક લડકી કી તુમ્હે ક્યા સુનાઉં દાસ્તાં
વો પગલી હૈ સબ સે જુદા
હર પલ નયી ઉસકી અદા
ફૂલ બરસે , લોગ તરસે જાયે વો લડકી જહાં
એક લડકી કી તુમ્હે ક્યા સુનાઉં દાસ્તાં”

દસમા ધોરણમાં સ્કુલમાં અંગ્રેજીની એક પરીક્ષા રાખેલી અને એ પરીક્ષામાં જે પાસ થાય તેને જ દસમામાં-બોર્ડમાં અંગ્રેજી વિષય રાખવા મળે. એ પરીક્ષા દરમ્યાન મારી આગળની બેંચ પર અલ્પા બેઠેલી, અને બિચારીને કઈ આવડે નૈ ! એ સતત મને પાછળ વળી વળીને પૂછ્યા કરે, સુપરવિઝન કડક હતું. સાહેબની નજર મારા પર હોય એવું મને લાગ્યું એટલે મેં તેને બતાવવાની ના પાડી, તો તે જાણે કે રિસાઈ ગઈ હોય તેવી રીતે તેને મારાથી મોઢું ફેરવી લીધું, અને સાહેબ આઘા પાછા થયા એટલે મેં તેની બેંચ પર પેન ટકરાવીને ઈશારો કર્યો, એટલે એ પાછળ વળી, મેં તેને મારું પેપર બતાવ્યું, અને એના ચહેરા પર નું સ્મિત પાછુ આવી ગયું

“હૈ ખફા તો ખફા , ફિર ખુદ હી વો મન ભી જાતી હૈ ,
લાતી હૈ , હોઠોં પે મુસ્કાન વો
ચુપ હૈ તો ચુપ હૈ વો
ફિર ખુદ હી વો ગુનગુનાતી હૈ , ગાતી હૈ , મીઠી મીઠી તાન વો
કૈસે કહું કૈસી હૈ વો , બસ અપને હી જૈસી હૈ વો
ફૂલ બરસે , લોગ તરસે જાયે વો લડકી જહાં
એક લડકી કી તુમ્હે ક્યા સુનાઉં દાસ્તાં”

દસમા ધોરણમાં રક્ષાબંધન આવી ત્યારે મને ખુબ ઈચ્છા થયેલી કે હું અલ્પા જોડે રાખડી બંધાવું , કારણ કે એનામાં હું મારી એક બહુ સારી દોસ્તને જોતો હતો, મને તેની સાથે બહુ બધી વાતો કરવાનું , મિત્રતા કરવાનું મન થતું , પણ માત્ર એક દોસ્ત તરીકે . એથી જ મેં એવું વિચાર્યું કે જો રાખડી બંધાવીશ તો અલ્પા પણ મને ભાઈ સમજીને મારી સાથે દોસ્તી બાંધશે. અને મેં તેને પરીક્ષામાં બતાવેલું તેથી મને થયું કે કદાચ હું તેની સાથે હવે કોઈ સંકોચ વગર વાત કરી શકીશ.પણ ખબર નહિં કેમ , કુદરતી રીતે જ મને છોકરીઓ સાથે વાત કરવામાં ખુબ સંકોચ થતો, માટે અલ્પાને હું રાખડી બાંધવાનું પણ ન કહી શક્યો , પછી તો અગ્યારમા ધોરણમાં મેં સ્કૂલ બદલી ત્યારે પણ મેં વિચાર્યુ કે આ વખતે તો રક્ષાબંધન આવે એટલે જૂની સ્કુલે જઈને અલ્પા જોડે રાખડી બંધાવવી જ છે. પણ રક્ષાબંધન ને હજુ વાર હતી અને તે પહેલા જ મને મારી જૂની સ્કુલના કેટલાક મિત્રો મળ્યા. અને એમણે મને જણાવ્યું કે અલ્પા હવે આ દુનિયામાં નથી રહી ! કોઈ બીમારી ના લીધે …..! હું એ મિત્રો સાથે તેના બેસણામાં ગયેલો. આજે પણ સમસમી જવાય છે જયારે યાદ કરું છું તેનાં ઘરની દીવાલ પર હાર લગાવેલો તેનો ફોટો , એ જ ગોળમતોળ હસતો ચહેરો, એના જેવા જ લાગતા એના મમ્મી ધ્રુસકે ને ધ્રુસકે રડી રહ્યા હતા….! અલ્પા , જેની સાથે મેં ક્યારેય વાત નહોતી કરી છતાં, મને હંમેશા તે ખુબ વ્હાલી લાગેલી. મારે તેના ભાઈ બનવાનું ગૌરવ લેવું હતું, એની સાથે વાતો કરીને , એની સાથે હસીને એના સ્મિતનું કારણ બનવું હતું , પણ એ ન બની શક્યું. એ ચાલી ગઈ , આ દુનિયા છોડીને , બીજી દુનિયામાં, ત્યાં સ્મિત રેલાવવા….

“આજ કલ હર વો પલ , બીતા જો થા ઉસકે સાથ મેં ,
ક્યા કહું , ખ્વાબોં મેં આતા હૈ ક્યોં
યાદ જો આયે તો , ઉસસે બીછડનેકી વો ઘડી
ક્યા કહું , દિલ દુખ સા જાતા હૈ ક્યોં
અબ મેં કહી વો હૈ કહી , પર હૈ દુઆ એ હમનશી ,
ફૂલ બરસે , લોગ તરસે જાયે વો લડકી જહાં
એક લડકી કી તુમ્હે ક્યા સુનાઉં દાસ્તાં”