અરશદ વારસી

ફિલ્મ રિવ્યુઝ – દસ કા દમ

(૧ ) હિમ્મતવાલા – એંસી ના દાયકા ની ફિલ્મના આ રિમેકમાં પણ એંસી નો દાયકો જ બતાવ્યો છે. ગીતો ના ફિલ્માંકન થી લઈને કોમેડી પણ એ સમય માં જોવા મળતીhimmatwala-0v એવી જ . તમને સહેજ પણ એવું નહિ લાગે કે તમે કોઈ નવી ફિલ્મ જોઈ રહ્યા છો. ગીતો કર્ણપ્રિય બન્યા છે , અને કોમેડીમાં માસ્ટર સાજીદ ખાન આ ફિલ્મમાં હસાવવામાં નબળો પડ્યો છે , પોતાની ફિલ્મોમાં પ્રાણીઓ લાવવા તેને ગમે છે , આ ફિલ્મમાં વાઘ આવે છે , અને થીયેટરમાં બેઠેલા બાળકો ખુશ થાય છે , તમારે પણ ખુશ થવાનું – બાળકોને જોઇને ! અને બાળકો જો પોતાના હોય તો એમના ભાગના ટીકીટ ના પૈસા વસૂલ સમજવાના ! ઇન શોર્ટ , અત્યારે જે ટ્રેન્ડ ચાલે છે – પિટ ક્લાસ ફિલ્મો નો ( થીયેટરમાં આગળના ભાગમાં – અપરમાં બેઠેલી – લોવર ક્લાસ ઓડીયન્સ ને પિટ ક્લાસ ઓડીયન્સ કહેવાય – જેમને એક માણસ દસ જણને ઊલાડે , એમાં મજા આવે . થોડા ચીપ લેવલની કોમેડીમાં તેઓ ચીસો પાડી પાડી ને હસે – એને પિટ ક્લાસ કહેવાય ) એવી આ ફિલ્મ છે. સિઘમ ને હિટ બનાવનાર ઓડીયન્સે આ ફિલ્મને નથી વખાણી ! આઈ ડોન્ટ નો વ્હાય . સિઘમ ના લેવલની જ આ ફિલ્મ છે – છતાય આવું કેમ!? જે હોય તે આપડ ને એટલી ખબર છે કે “તાકી…. તાકી …” કરવામાં કઈ વાંધો નથી , કારણ કે ગીત પણ સારું છે અને એક્ટ્રેસ પણ !

હિમ્મતવાલા – તમન્ના “સજના પે દિલ આ ગયા … ” ગાય છે ત્યારે તેના જે એક્સપ્રેશન આવે છે , માય ગોડ ! તમન્ના પે દિલ આ ગયા ! 

(૨ ) the attacks of 26/11 – પોતાના પબ્લીસીટી સ્ટંટ માટે પ્રખ્યાત રામ ગોપાલ વર્મા એ આ ફિલ્મ ખુબ (ખુબ એટલે ખુબ જ ) ડીસન્ટલી પ્રમોટ કરી ત્યારે મને એ 00204_187959વ્યક્તિ માટે માન થયું. ફિલ્મના પોસ્ટરો માં પણ વિષયની ગંભીરતા નું ભાન દેખાય છે , અને ફિલ્મ ખુબ જ રીયાલીસ્ટીક બની છે , હુમલાના એ દ્રશ્યો થી લઈને ફિલ્મમાં દર્શાવાયેલી દરેક બાબત વાસ્તવિકતાથી સહેજ પણ વિમુખ નહિ. નાના પાટેકર એની ડાયલોગ ડીલીવરી માટે ફેમસ છે . એની ડાયલોગ બોલવાની સ્ટાઈલ પણ ફેમસ છે. પણ એ સ્ટાઈલ માં એ હમણાં ની ( ભૂત અને તે પછીની ) ફિલ્મોમાં જોવા જ નથી મળ્યો. આ ફિલ્મમાં પણ તેની પાસે એક લાંબો ડાયલોગ છે , સ્ટાઈલ અલગ છે પણ અસર એ જ છે – આરપાર નીકળી જાય એવી ! પરફેક્ટ સિચ્યુએશન પર પરફેક્ટ એકટર દ્વારા બોલાયેલા એ પરફેક્ટ શબ્દો ફિલ્મનું મુખ્ય જમા પાસું છે. લોકો આ ફિલ્મ જોઇને કહેશે કે રામ ગોપાલ વર્મા ઈઝ બેક – હું તો એની દરેક ફિલ્મ આવે છે ત્યારે આ શબ્દો બોલું છું. એ એક જીવતો લેજંડ છે જેની કદર આ દેશના લોકો એના મર્યા પછી જ કરશે.

the attacks of 26/11 – A must watch for everybody on this earth , including terrorists.

(૩ ) ચશ્મે બદદુર – નબળી રીમેક ! હે એક જમાના ના મારા પ્રિય દિગ્દર્શક – ડેવિડ ધવન , તને શું થઇ ગયું છે ! તું હવે કેમ પહેલા જેવી હિલેરીયસ-ક્લાસિક કોમેડીઝ નથીChasme-Baddoor બનાવતો – એવું હોય તો ગોવિંદા ને લે યાર ! અરે હા , એમ પણ કરેલું , નો પ્રોબ્લેમમાં ગોવિંદા હતો , તોય ફિલ્મમાં ડેવિડ ધવનવાળો મેજિક નહોતો – છેલ્લે “પાર્ટનર” માં એ મેજિક જોવા મળેલો. સ્ટીલ , આઈ લવ યુ ફોર યોર ઓલ્ડ ફિલ્મ્સ , એટલે આ ફિલ્મ વિષે હું બીજું કશું નહિ કહું – બીકોઝ આઈ લવ યુ અને એટલે જ મને તારી નિંદા કરવામાં મજા નહિ આવે ! તોય લાગણીઓ પર કાબુ રાખી મારે થોડા શબ્દોમાં તો કશુક કહેવું જ પડશે – ઘસાઈ ગયેલી , ચવાઈ ગયેલી શાયરીઓ , કોમિક ટાઈમિંગ ની સમજ વિના ના અભિનેતાઓ ( અફકોર્સ , રિશી કપૂર નો આમાં સમાવેશ નથી થતો – માત્ર એ જ તો છે જે આ ફિલ્મ ને થોડી ઘણી સહ્ય બનાવે છે ) અનુપમ ખેર પણ વેસ્ટ ગયો છે કારણ કે એની પાસે સારું પાત્ર કે સંવાદો નથી .
ચશ્મે બદદૂર – બની શકે તો રહો આનાથી દૂર ! અને જોવું જ હોય તો જુઓ , જુનું ચશ્મે બદદૂર

(૪ ) રંગરેઝ – દોસ્તી માટે જાન કુરબાન ! એવું માત્ર બોલવાનું જ નહિ પણ કરી બતાવવામાં માનતા લોકો ની વાત એટલે રંગરેઝ. પોતાની પ્રેમિકા સાથે લગ્ન નહિ થઇ શકે13mar_Rangrezz-moviereview એવી પરિસ્થિતિ ઊભી થતા એક દોસ્ત નદીમાં ઝંપલાવે છે , ફિલ્મનો હીરો અને એના મિત્રો એને બચાવે છે અને નીકળી પડે છે એક મિશન પર , દોસ્તને તેની પ્રેમિકા સાથે ભગાડીને લગ્ન કરાવવાનું મિશન. ઇન્ટરવલ સુધી આ મિશન અને ઇન્ટરવલ પછી એ મિશનની જીવન પર પડેલી અસર ને દર્શાવવામાં આવી છે. ફિલ્મ માં સંદેશો એવો પ્રાપ્ત થાય છે કે મિત્રના કપરામાં કપરા સંજોગોમાં તેનો સાથ આપવો જોઈએ , તેની લડાઈને પોતાની લડાઈ સમજીને લડવું જોઈએ. કોઈ કપરા સંજોગોમાં ભાંગી પડે તો તેને પૂરે પૂરું બળ લગાવીને ઊભો કરવો જોઈએ. આમ એક બીજાને મદદરૂપ થઈને જીવનનું ગાડું હાંકવામાં આવે , તો કોઈ હાંફી ના જાય ! અને એક બીજાની હુંફ નો , એકબીજાના પ્રેમનો મબલખ પાક જીવનભર પ્રાપ્ત થતો રહે. ફિલ્મમાં ગ્રીપ છે , સારૂ- સપ્રમાણ હ્યુમર છે, અને એક નવી ફ્લેવર છે – ભાવે એવી !
રંગરેઝ – આ ગીત યાદ અપાવે છે , અને એના શબ્દોને સાચા અર્થમાં સાર્થક કરે છે – “સાથી હાથ બઢાના , એક અકેલા થક જાયેગા , મિલ કર બોજ ઊઠાના …. “

(૫ )સાહેબ બીવી ઔર ગેંગસ્ટર રીટર્નસ – આ એક સિકવલ છે ( મર્ડર ૨ અને જિસ્મ ૨ ની જેમ સીરીઝ નથી ) આ ફિલ્મ વિષે હું શું કહું ? સિર્ફ નામ હી કાફી હૈ ! પહેલા ભાગની જેમ જ બીજો ભાગ – જલસો કરાવી દે તેવો ! સેન્સીબલ દર્શકોની ભૂખને સંતોષતી ફિલ્મ. જેમાં મનોરંજન અને ફિલ્મ મેકિંગ નું સ્તર ઊંચું છે. ડાયલોગ્સ (સાથે સોન્ગ્સ ની લાઈન્સ પણ ) એવા છે કે વાહ નીકળી જ જાય ! ફિલ્મ ખાલી સેટ વડે જ ભવ્ય નથી બનતી , ખરેખર મારા મતે સાચા અર્થમાં આ એક રોયલ ફિલ્મ છે. અને એને માણવા માટે એક રોયલ હૃદય જોઈએ. રેકર્ડ પ્લેયર પર રેકર્ડ ચડાવીને સાંભળવામાં શું લિજ્જત છે એ ફક્ત રોયલ માણસ જ જાણતો હોય , બીજાને મન એ માત્ર એક ભંગાર ની ચીજ હોય !

z9bhkgkpruhsqufe_d_0_saheb-biwi-aur-gangster-returns

સાહેબ બીવી ઔર ગેંગસ્ટર રીટર્નસ – વર્ષો પછી પણ જીવંત રહેશે – એવરગ્રીન ક્લાસિક

(૬ ) સારે જહાં સે મહેંગા – “ફસ ગયા રે ઓબામા” જોયેલું ? ના જોયું હોય તો તમે ખુબ અગત્યનું કશું ગુમાવશો ! અને એ જોયું હોય ને “સારે જહાં સે મહેંગા” ના જોયું હોય તોsare-jahan-se-mehenga-postre_0 પણ ગુમાવવાનું તો આવશે જ , કારણ કે “ફસ ગયા રે ઓબામા” ના જ સર્જકોએ બનાવેલી આ ફિલ્મ પણ એટલી જ સુંદર અને અર્થસભર છે. આજની મોંઘવારી પર એક વ્યંગ હાસ્ય. એક પરિવાર નક્કી કરે છે કે લોન લઈને ઘરમાં ત્રણ વર્ષનું કરિયાણ ભરી લઈએ . અને લોન લે છે દુકાન ખોલવાના બહાનાથી , પછી પૂછપરછ થાય છે અને બધધા બરાબરના ભરાય છે , પછી જામે છે ધીંગામસ્તી અને ધમાચકડી – છેલ્લે ફિલ્મમાં મુખ્ય પાત્ર દ્વારા મોંઘવારીમાં સામાન્ય માણસની જે હાલત થાય છે એ વિષય પર માસ્ટર સ્પીચ અને પછી ફિલ્મ નો અંત ! દેશનો ખરો હાલ બતાવતી , અને એના પર વ્યંગ કરતી ફિલ્મ દરેક સમયમાં બનતી રહેવી જોઈએ. દશકામાં તો એકાદી આવી ફિલ્મ આવવી જ જોઈએ.
સારે જહાં સે મહેંગા – આવા પ્રકારની ફિલ્મો એ માત્ર ફિલ્મ નહિ પણ સમાજ સેવા છે .

(૭ ) થ્રી જી – મોબાઈલ ટેકનોલોજી પર આધારિત આ ફિલ્મમાં હોરર અને ટેરર નું કોમ્બીનેશન છે , રોમાંચ થી ભરપૂર આ ફિલ્મ માં સસ્પેન્સ જળવાઈ રહે છે અને એ જાણવાની ઉત્સુકતા પણ ! અને મોટા ભાગની ફિલ્મોમાં થતું હોય છે તેમ પત્તા ખુલ્યા પછી ફિયાસ્કો નથી થતો. હોલીવુડમાં આવા અખતરા ખુબ થાય છે પણ બોલીવુડમાં આવા પ્રકારની ફિલ્મો ખુબ ઓછી માત્રામાં બને છે.
થ્રી જી – એક વધાવી લેવા જેવી અલગ પ્રકારની મનોરંજક ફિલ્મ.

Bollywood-3G-Jolly-LLB

(૮ ) જોલી એલ.એલ.બી. – એક હિટ એન્ડ રન કેસ આ ફિલ્મ માં મુખ્ય ઘટના છે. અરશદ વારસી એક નિષ્ફળ વકીલ હોય છે અને પહેલા માત્ર નામ કમાવવા અને પછી નામ કે જાનની પરવાહ કર્યા વગર સત્ય માટે લડવા નીકળી પડે છે , અને એની સામે હોય છે એક ધુરંધર વકીલ જે પાત્ર બોમન ઈરાની એ ભજવ્યું છે. સૌરભ શુક્લા જજ ના રોલમાં સારું હ્યુમર ઊભું કરે છે , એ હસાવી શકશે માત્ર તો જ જો તમે એ જોતી વખતે એ વાતને ભૂલી જશો કે વાસ્તવિક જીવનમાં કોઈ જજ આવો બિલકુલ નથી હોતો. એક કોર્ટ કેસ ને મુખ્ય ઘટના તરીકે રજુ કરતી આ ફિલ્મ હોઈ , જકડી રાખે તેવી હોવી જોઈએ , અહી પકડ થોડી ઢીલી છે. એક સિમ્પલ , સોબર અને કોમન ફિલ્મ . આવા પ્રકારનું મનોરંજન લોકો આજ કાલ “અદાલત ” જેવી સીરીયલો માં રોજ જોતા હોય છે , ખુબ જોયેલું હોય છે અને માટે જ આવા કોઈ વિષય પર ફિલ્મ બને ત્યારે જો એનું ફલક વિશાળ ન હોય , અને એમાં કશું નવીન ના હોય (અધૂરામાં પૂરું પ્રખ્યાત સ્ટારકાસ્ટ નાં હોય ) ત્યારે લોકો એ ફિલ્મને સ્વીકારતા નથી. ફિલ્મ વધુ પડતી સિમ્પલ , કોમન અને યુઝઅલ્લી જોવાતા મનોરંજન માંની છે,
જોલી એલ.એલ.બી.- દાલ ગલ જાતી અગર થોડા તડકા જ્યાદા હોતા !

(૯ ) આત્મા – એક બીલો- એવરેજ હોરર ફિલ્મ .

aatma-read

(so nothing more to say about this film ) પણ ” આજા નીંદીયા … ” ગીત સારું છે.

(૧૦ ) ડેવિડ – અલગ અલગ સમયના ત્રણ અલગ અલગ ડેવિડની વાત , ખુબ જ રસપ્રદ રીતે કહેવાઈ છે. છેલ્લે ત્રણેવ વાર્તાઓ ને જોડે છે – ફિલ્મનો સંદેશ. જાનદાર દિગ્દર્શન , અભિનય અને સંવાદ ! હા , ફિલ્મના ફિલોસોફી ભરેલા ગીતો મને થોડા ઓછા ગમ્યા .ગીતો પણ સારા હોત તો સોનામાં સુગંધ ભળત. બટ ઓવરઓલ , એ ન્યુ એન્ડ રિફ્રેશિંગ એક્સપીરીયન્સ , ગો ફોર ઇટ.

david-film

ડેવિડ – ઇટ્સ એ વન્ડરફૂલ ફિલ્મ !

Advertisements

ચલો સનમ, અજનબી બન જાયેં ! – જોલી એલ.એલ.બી.

ફિલ્મ – જોલી એલ.એલ.બી.
વર્ષ – ૨૦૧૩
ગીત – ચલો ચલો ચલો સનમ , અજનબી બન જાયેં..
ગાયક – મોહિત ચૌહાણ , શ્રેયા ઘોષાલ
ગીતકાર – શુભાષ કપૂર
સંગીત – ક્ર્સના

એક અજાણ્યો છોકરો અને અજાણી છોકરી જયારે એકબીજાથી આકર્ષાય છે ત્યારે … તેમના મનમાં કેટલાય તરંગો જાગે છે , કેટલીયે કલ્પનાઓમાં તે રાચવા લાગે છે , પોતાની જાતને આખીયે સલ્તનત નો બાદશાહ સમજતો હોય એમ આખો દિવસ કોર્લર ઊંચા કરીને વટમાં ફરતો છોકરો પોતાને ગમતી છોકરી પોતાની પાસે થી પસાર થતા એવું તે નમ્ર સ્મિત આપશે કે આ હા હા … એના માં – બાપ એ છોકરાના ચહેરા પર એવું સ્મિત જુએ તો એમને એક ભવ્ય આંચકો લાગે , ચાર ધામની યાત્રા તાબડતોબ કેન્સલ કરાવીને તેઓ બોલે કે અમ્મારો છોકરો આટલો ભોળો છે એ જોઈને અમારો જનમ સફળ થઇ ગયો ! અમારા બાબલા નું આ સ્મિત અમે કેમ અત્યાર સુધી નહોતા જોઈ શક્યા ! અને આખી કોલેજની ક્વીન તરીકે ઓળખાતી કોઈ છોકરી જેની પાછળ બધા છોકરાઓ લટ્ટૂ થઇને ફરતા હોય , અને એ એમાંથી કોઈની સામુય ન જોતી હોય, અને ભૂલથી કોઈની સામું જોઈ પણ લે તો એ છોકરો ત્યાં ને ત્યાં ખુશીનો માર્યો બેભાન થઇ જાય ! એવી છોકરી પોતાના સપનાના રાજકુમારની આગળ સાવ પાણી પાણી થઇ જાય , પેલો તેની સામું પણ ન જુએ તો પણ તેની નજરમાં આવવા તે છોકરી એની આગળ પાછળ ફર્યા કરે! પેલો ત્રાંસી નજરે તેની સામું જુએ તો પેલી છોકરી બધો ઘમંડ ભૂલી ને તરત એક સ્મિત આપી દે !

જે હજુ બંધાયા નથી , અથવા તો એમ કહી શકાય કે જે બંધાશે કે નહિ તેની પણ જાણ નથી એવા અજાણ્યા-અધૂરા સંબંધો માં જે રોમાંચ છે , જે થ્રિલ છે , જે આનંદ છે તે કોઈ પ્રેમલા પ્રેમલી કે પતિ – પત્ની ના સંબંધ માં નથી હોતો. એ આજે બસ – સ્ટેન્ડ પર ઊભેલી જોવા મળશે કે કેમ ? એમ વિચારીને પેટમાં થતી સળવળાટ , કોઈની સાથે નજરો મળવાથી લાગતો મીઠો આંચકો , કલાસરૂમમાં જતા પહેલા મગજમાં ચાલતો એક જ વિચાર કે એ આવી હશે કે કેમ ! અને પછી એ કલાસરૂમમાં ન દેખાવાથી થતી નિરાશા , અને પછી અચાનક “મે આય કમ ઇન સર ? ” કહીને તે કલાસરૂમમાં દાખલ થાય ત્યારે થતી અપાર ખુશી … વિગેરે જેવી મુમેન્ટસ માં જે રોમાંચ છે , જે નશો છે, એ અદભૂત છે . એ ક્ષણિક આનંદ ટાઈમલેસ ફિલ્મ જેવો હોય છે , જેને યાદ કરવાનો અનુભવ પણ સુખદ, આનંદદાયી હોય છે.
સ્કૂલની કોઈ કલાસમેટ ક્યારેક રસ્તા પરથી પસાર થતા દેખાતી હોય , અને જયારે જયારે તેની સાથે નજરો મળતી હોય ત્યારે ત્યારે તે સ્મિત આપતી હોય ! ઓહ ! વ્હોટ એ મુમેન્ટ ! વ્હોટ એ થ્રિલ ! મારી સ્કૂલની એક કલાસમેટ ,મારા જીવનનું પહેલું આકર્ષણ ! હું કોલેજમાં આવ્યો પછી વહેલી સવારે બસમાં કોલેજ જવા બસ સ્ટેન્ડ ઊભો હોઉં અને એ ત્યાં થી પસાર થાય , મારાથી તો આખી સ્કુલ લાઈફમાં ક્યારેય હિંમત નહોતી થઇ , પણ મને ત્યારે એ બસ સ્ટેન્ડ પર ઊભેલો જોઇને એ સ્મિત આપતી ! હવે તો સાંભળ્યું છે કે એને એના જેવી જ એક સુંદર બેબી આવી છે , મેં તો એની બેબી ને જોઈ નથી , કદાચ ભવિષ્યમાં જોવા મળે ! એનું ઘર અમારી સ્કુલની ગલીમાં જ છે , કોને ખબર ત્યાં થી પસાર થતા ક્યારેક એની નાનકડી છોકરી એ ઘરના આંગણમાં રમતી દેખાઈ જાય, અને મને જોઇને તે સ્મિત આપી દે … !

“મેં તેરી ગલી સે ગુઝરૂ ,
તું છત પે કપડે સુખાયે,
મેં સચ્ચી મેં તુજકો તાડું,
તું નકલી સા શરમાયે,
ચલો ચલો ચલો સનમ , અજનબી બન જાયેં,
ચલો ચલો ચલો સનમ , અજનબી બન જાયેં..”

316623,xcitefun-amrita-rao-movie-16

                   કયારેક એવું પણ બનતું હોય કે કોલેજની કોઈ કલાસમેટ કે જેની સાથે ક્યારેય વાત ના કરી હોય , અરે ક્યારેય નજરો પણ ન મળી હોય અને કોઈ અજાણ્યા મોલમાં તે સામે મળી જાય અને એકદમ સહજ રીતે બંને પક્ષે સ્મિતની આપ – લે થાય. ઇન ધ સેમ વે , આવી જ કોઈ કલાસમેટની ફેસબુક પર રીક્વેસ્ટ આવે ! અહી આ ગીતમાં પણ પ્રેમીઓ તેમના સંબંધમાં એ થ્રિલ , એ રોમાંચ , એ નશો મિસ કરે છે , એટલે જ તેઓ વિચારે છે કે આના કરતા તો ત્યારે વધુ મજા આવતી જયારે આપણે અજાણ્યા હતા , અને એક બીજાને આકર્ષિત કરવા માટે જુદા જુદા ગતકડા કરતા ! અથવા તો એવા ગતકડા કરવાનું અને એમાંથી મળતો આનંદ લૂંટવાનું તેમને મન થયું છે , પણ હવે તો તેઓ પ્રેમી – પ્રેમિકાના સંબંધ થી જોડાઈ ગયા છે , એથી આ બધું તેમના માટે શક્ય નથી , બિલકુલ એ રીતે જે રીતે આપણને મોટા થઈને યુનિફોર્મ પહેરીને સ્કુલે જવાનું મન થાય , તો એ શક્ય ન થાય ! એટલે જ તો કોલેજીયનો સ્કુલ લાઈફનો આનંદ ફરી લૂંટવા સ્કૂલ ડે મનાવે છે. અહીં આ ગીત માં પ્રેમી યુગલને જે પ્રકારનો આનંદ લૂટવો છે , એના માટેની પહેલી કંડીશન જ એ છે કે બંને પાત્રો સંબંધમાં ન હોવો જોઈએ , બંને અજાણ્યા હોવા જોઈએ , તો જ આ મસ્તીભરી રમત રમી શકાય , અને મનમાં રહેલા રોમેન્ટિક અરમાનો પૂરા કરી શકાય –

“હાં , કોલેજ સે ઘર કો મેં નીક્લૂં ,
તું સ્કૂટર કે ચક્કર લગાયે ,
મેં ઝૂઠે હી થોડા સા જો હંસ દૂ,
તેરી લાર ટપકતી જાયે ,
ચલો ચલો ચલો સનમ , અજનબી બન જાયેં,
ચલો ચલો ચલો સનમ , અજનબી બન જાયેં…”

jolly_llb_stills_photos_wallpapers-2

                          કાશ મારી પાસે પણ બાઈક હોત , તો હું પણ પેલી છોકરીને પાછળ બેસાડીને ફરતો હોત . જેવા સામાન્ય(નોર્મલ) કાશથી લઈને કાશ હું મરી જઉં ને એ મારી કબર પર વિલાપ કરવા આવે જેવા અસામાન્ય(એબનોર્મલ) કાશ સુધીના વિચારો ટીન એજમાં ખુબ આવે ! અને પ્રેમમાં પડેલું દરેક પ્રાણી મનથી તરુણ જ હોય છે એવું મારું અંગત રીતે માનવું છે. પરિસ્થિતિ અને પ્રેમના ઊભરા આ બંને બાબતો એક જ સમયે કાબુ બહાર જતી દેખાય ત્યારે આવા “કાશ” સીરીઝના વિચારો આવવાના શરુ થાય. મેં જયારે તરુણાવસ્થામાં “જંગલ” ફિલ્મ જોયેલી ત્યારે મને પણ વિચાર આવેલો કે કાશ હું અને ઓલી (સ્કુલવાળી ગલી માં રહેતી – મને બસ સ્ટેન્ડ પર ઊભેલો જોઇને સ્માઈલ આપતી ) છોકરી, બંને જણા એકલા જંગલમાં ભૂલા પડી જાય , પછી હું બધી સિચ્યુએશન્સ હેન્ડલ કરું , યુ સી અને મારા દ્વારા જંગલમાંથી તોડીને લાવેલા શાકભાજી નો ઉપયોગ કરી ને એ જમવાનું બનાવે અને ધીરે ધીરે એ મારા પ્રેમમાં પડે . અને કાયદેસર રીતે એને પડવું જ પડે , કારણ કે એની પાસે બીજું ઓપ્શન જ ન હોય , જસ્ટ લાઈક એડમ એન્ડ ઈવ ! અને હું પણ આટલા સમયમાં એને ઈમ્પ્રેસ તો કરી જ લઉં , ગેરંટેડ ! આવા “કાશ” સીરીઝના વિચારો ને કોઈ પરાકાષ્ઠાનું બંધન નથી હોતું , કોઈ હદ નથી હોતી , બસ પ્રેમિકાને મળવાનો, એની સાથે વાતો કરવાનો , એને પટાવવાનો પર્પઝ સોલ્વ થવો જોઈએ , બાકી બધું તો ઈ ની માં ને સમજ્યા હવે …! જે થવું હોય તે થાય , કોને પરવાહ છે?! બંદો બિન્દાસ છે ને આ તો ભાયડાના વિચારોમાં થતા ભડાકા છે ….

“કાશ તેરે પપ્પા કિસી ટ્રક સે જા ટકરાયે ,
હડ્ડી વડ્ડી તૂટે , પ્લાસ્ટર ભી લગ જાયે ,
મિલને કા હો બહાના ..
હમ તેરે ઘર કો આયે ,
ચલો ચલો ચલો સનમ , અજનબી બન જાયેં,
ચલો ચલો ચલો સનમ , અજનબી બન જાયેં…”

jolly-llb-wallpaper-06-12x9

                     જો તમે જીવનમાં પોતાના પ્રિય પાત્રને પટાવવા આવા ગતકડા કર્યા છે તો તમે ખોબે ખોબે આનંદ અને રોમાંચ ની ક્ષણો લૂંટી છે. જો ગતકડા નથી કર્યા અને હજુ અનમેરીડ છો તો જલ્દી થી આ બધું કરી લો , પછી સમય હાથમાં થી સરકી જશે ,અને લાઈફ બધું આપે છે પણ વીતેલો સમય પાછો ક્યારેય નથી આપતી , ફરીથી બાળક નથી થઇ શકાતું , ફરીથી યુવાન નથી થઇ શકાતું. માત્ર એક બાબતને તમે હંમેશા પોતાના કાબુમાં રાખી શકો છો , અને એ છે તમારું મન ! અગર ચાહો તો મનથી હંમેશા તરુણ રહી શકાય ! આ ગીતના પાત્રોની જેમ મનથી તો એ સમયમાં જઈ જ શકાય , મનમાં આવતા ગતકડા આ રીતે એકબીજા સાથે શેર કરી ને થોડી મસ્તીભરી મુમેન્ટસ ક્રિએટ કરી શકાય ! અને જો તમને માત્ર લાઈવ એકશનમાં જ રસ હોય તો આવા ગતકડા પોતાના તરુણ છોકરા – છોકરીઓ સાથે શેર કરો , અને એમને રવાડે ચડાઓ ! ઓન્લી ઇફ યુ વોન્ટ ! એન્ડ વ્હાય નોટ , પોતાના બાળકોને પ્રેમ કરતા શીખવવામાં , એમની લવ સ્ટોરીમાં રસ લેવામાં અદભુત આનંદ રહેલો છે, એવું લાગે જાણે આપણે ફરીથી આપણી તરુણાવસ્થા જીવી રહ્યા છીએ, અને તમારા ડીયર સન નું તેની પ્રેમિકા સમક્ષ પ્રપોઝલ એક્સેપ્ટ થશે , ત્યારે તેના ચહેરા પર જે આનંદ હશે એ આનંદ ને જોઇને જો તમને તમારા સમયમાં તમે કરેલા પ્રપોઝલ માં મળેલા સ્વીકારનો આનંદ યાદ ન આવી જાય તો મારું નામ બદલી નાખજો યાર ! અને છેલ્લે ,છોકરીઓ માટે , પોતાના પ્રેમી , લવર, પતિ ને ટીઝ કરવા વાપરી શકાય એવો આ અંતરો –

316625,xcitefun-amrita-rao-movie-14
“હો… આશીકો કી ભીડ હો ,
સબ મુજસે મિલને આયે ,
લંબી સી કતાર મેં ,
તું ભી ખડા હો જાયે ,
નંબર તેરા જો આયે ,
વિન્ડો બંધ હો જાયે ,
ચલો ચલો ચલો સનમ , અજનબી બન જાયેં,
ચલો ચલો ચલો સનમ , અજનબી બન જાયેં…”

યુ ટ્યુબ પર આ ગીતને માણવા અહિંયા ક્લિક કરો

ફિલ્મ રિવ્યુઝ ફેબ્રુઆરી ૨૦૧૩

                                                                                                           ઝીલા ગાઝીયાબાદ

Sanjay-Dutt-movie-Zilla-Ghaziabad-Stills

રાજકારણીનો ગુંડો અરશદ વારસી અને ગાઝીયાબદનો માસ્તર વિવેક ઓબેરોય વચ્ચે ની ગેંગવોર એ આ ફિલ્મનો વિષય. લોકોને આડે ધડ મારી ને પાવરનો પૂરે પૂરો ઉપયોગ કરતો અને બુદ્ધિનો બિલકુલ ઉપયોગ ન કરતો ફૌજી (અરશદ ) એ રાજકારણ નો ભોગ બને છે અને એના ઘર પર થયેલા હૂમલા પાછળ વિવેક ઓબેરોય નો હાથ છે એવું માની લે છે , વિવેક તો વિચારે છે કે એની પાસે વાત કરવા જાય અને એની બધી ગેરસમજ દૂર કરે પણ અરશદ વિવેકના મોટાભાઈ (ચંદ્રચુડ સિંગ ) ને વિવેકની સામે જ મારી નાખે છે – ગામના બાળકોને અહિંસાના પાઠ ભણાવતો વિવેક બન્દૂક ઊપાડે છે અને બદલામાં અરશદના ભાઈને ખતમ કરે છે , પછી ક્યાય સુધી બંને વચ્ચે ચાલતી ગેંગવોરમાં ગાઝીયાબાદ ભોગ બન્યા કરે છે , એના નિવારણ રૂપે પોલીસ ઓફીસર સંજય દત્તની પોસ્ટીંગ ગાઝીયાબાદ માં કરવામાં આવે છે , પછી ઘણું બધું પોલીટીક્સ , ગેંગવોર , અને એક્શન ! ફિલ્મમાં ગ્રીપ છે , સંજય દત્ત ને ઘણા સમય પછી આવા મસ્ત રોલમાં જોવો એ એક લહાવો છે , વિવેક પણ કમાલ કરી જાય છે , દમદાર પરફોર્મન્સ આપી ને !ઝીલા ગાઝીયાબાદ- અ ફિલ્મ વિથ ગૂડ એક્શન એન્ડ ગ્રીપ ! અને સંજય દત્ત, વિવેક ઓબેરોય ના ફેન્સ માટે મસ્ટ વોચ !

                                                                                                                   મર્ડર થ્રી

remote_image_7878908501

એક સારી થ્રીલર ફિલ્મ , જો ફિલ્મનો અંત પણ સચોટ હોત તો ખુબ સારી થ્રીલર ફિલ્મ કહેત . બટ સ્ટીલ , સારા સંવાદો , કલાત્મક સિનેમેટોગ્રાફી , સારું દિગ્દર્શન અને એવરેજ પરફોર્મન્સીસ – જરૂર જોવા જેવી ફિલ્મ , ગીતો હૃદયે વસી જાય એવા તો નહિ પણ કર્ણપ્રિય તો ખરા – તેરી ઝુકી નઝર

                                                                                                                                       સ્પેશીયલ ૨૬

                                                                            special-26-poster

નકલી સી.બી.આઈ. ની બ્રીલીયન્ટ લૂંટ એ આ ફિલ્મની વાર્તા નો વિષય , નકલી સી.બી.આઈ. બનતા આ ચોરો એવી ગંભીરતા થી આ કામ કરે કે સામે વાળો તો ઠીક પણ પોતાને પણ સી.બી.આઈ.ના પાત્રમાંથી બહાર આવતા વાર લાગે. અક્ષય કુમાર અને અનુપમ ખેર છવાઈ ગયા છે , જીમી શેરગીલ નો અભિનય હંમેશા સારો હોય છે , આ ફિલ્મમાં પણ સારો અભિનય. મનોજ બાજપેયી પાત્રને પોતાનો રંગ આપે છે. ફિલ્મમાં પ્રોસેસને ઘણી ફૂટેજ મળી છે , જેમ કે ચોર એક જગ્યા એ થી બીજી જગ્યા એ કેવી રીતે છટકી રહ્યા છે , પોલીસ કયા પગલા લઇ રહી છે , વગેરે જેવી બાબતો લંબાવી ને બતાવી છે, માત્ર બેકગ્રાઉંન્ડ મ્યુઝીક સાથે ! આવા બેકગ્રાઉંન્ડ મ્યુઝીક વાળા લાંબા દ્રશ્યો ફિલ્મમાં શરૂઆત થી લઈને અંત સુધી છે , જે બોરિંગ છે – નબળી રજૂઆતના પ્રતિક સમાન છે. આ બાબતો થોડી ટૂંકાણમાં અથવા તો એમાં થોડા રસપ્રદ સંવાદો ઉમેરીને બતાવી હોત તો ફિલ્મ ખુબ સુંદર રીતે નિખરીને બહાર આવી હોત , પણ તોય , જોઈ લેવા જેવી ફિલ્મ . ફિલ્મમાં હ્યુમર સારું છે – સેન્સીબલ છે , અને એક ખુબ સારું રોમેન્ટિક ગીત – ‘મુજ મેં તું , તું હી તું બસા … ! ‘

                                                                                                            દીવાના મેં દીવાના

5502_380081755420437_421574473_n

ગોવિંદા અને પ્રિયંકા ચોપરા નું , ખબર નહિ કઈ સદી નું ,વેલ આ જ સદી નું પણ ખાસ્સા ટાઈમથી ડબ્બામાં પડેલું આ પિક્ચર હવે બહાર આવ્યું છે , (શું કામ આવ્યું , નહોતું આવ્યું એ જ સારું હતું એમ ના કહેવાય , કારણ કે ફિલ્મ જેવી બની હોય એવી , એને રીલીઝ થવાનો પૂરો અધિકાર છે , જો એ રીલીઝ થાય તો જ એની પાછળ રોકાયેલા રૂપિયાનું વળતર મળે. અને આવી મોડે થી રીલીઝ થયેલી ફિલ્મો તો તોય થોડી ઘણી ભાગ્યશાળી કહેવાય કારણ કે ઘણી ફિલ્મો તો ક્યારેય રીલીઝ થઇ જ શકતી નથી ! ) ફિલ્મમાં વપરાતા મોબાઈલને જોઈ ને કહી શકાય કે કમસે કામ ૮ થી ૧૦ વર્ષ પહેલા બનેલી આ ફિલ્મ હશે. ફિલ્મમાં જ્હોની લીવરની થોડી વલ્ગર અને ચીપ કહી શકાય તેવી કોમેડી છે અને ઢંગધડા વગરની વાર્તા છે , તોય મારું તો એવું કે ગોવિંદા હોય એટલે એ ફિલ્મ હું એક વખત તો આખી જોઈ જ નાખું . આ પણ જોઈ નાખી ! બપ્પી લહેરી આવી બી ગ્રેડ ની ફિલ્મોમાં બી ગ્રેડનું સંગીત આપતા આવ્યા છે – આમાં પણ આપ્યું છે. ફિલ્મમાં વારે ઘડીએ ફિલ્મના એક ગીત “એક હસીના … એક દીવાના ….” નો મુખડો વગાડવામાં આવે છે , એના પરથી મારું એવું અનુમાન છે કે ફિલ્મ નું નામ પહેલા ‘એક હસીના એક દીવાના ‘ રાખ્યું હશે , પણ એ ટાઈટલ કદાચ કોઈ એ પહેલે થી રજીસ્ટર કરાવી રાખ્યું હોઈ તે મેળવવામાં નિષ્ફળતા મળી હશે , અને પછી ના છૂટકે ‘દીવાના મેં દીવાના’ નામ રાખ્યું હશે. કદાચ ‘એક હસીના એક દીવાના ‘ નામ રાખવા પાછળ કરેલી સ્ટ્રગલ ને કારણે પણ આટલું મોડું રીલીઝ થયું હોય તેવું બની શકે. ફિલ્મમાં ગોવિંદા ફોટોશોપમાં પ્રિયંકાનો ફોટો કાદર ખાનને બતાવી ને કહે છે કે જુઓ , મેં દોર્યો – એમાં બોલાઈ જવાય કે સાલાઓ એક ચિત્રકારને બોલાવી ને પ્રિયંકા નું ચિત્ર દોરાવવા જેટલું ય બજેટ નહોતું તે આવી વેઠ ઊતારી ? અને કાદર ખાન ફિલ્મની ડબિંગ માટે નહિ આવ્યા હોય તે ફિલ્મમાં કાદર ખાનનો અવાજ કોઈ બીજા એ ડબ કર્યો છે – અને કાદર ખાન એના અવાજ વગર અધૂરો છે માટે એના રોલની પૂરી મજા બગડી જાય છે.

સમજો હો હી ગયા

ફિલ્મ – લગે રહો મુન્નાભાઈ
વર્ષ – ૨૦૦૬
ગીત – સમજો હો હી ગયા
ગાયક – સંજય દત્ત , વિનોદ રાઠોડ , અરશદ વારસી
ગીતકાર – સ્વાનંદ કિરકિરે
સંગીતકાર – શાન્તાનુ મોઇત્રા

એક દિવસ મિત્રો એ મને આવું જ કંઈક પૂછ્યું –

” ભાઈ બહુત ખુશ લગ રહે હો …બાત ક્યા હૈ ? એ ભાઈ …હુઆ ક્યા? ”

અને મેં આવો જ કંઈક જવાબ આપ્યો –

“કાર્ડ છપવાલે ! સુટ સીલવાલે ! સમજો હો હી ગયા …. ! “
તમે કહેશો –

“એ ભાઈ રીવાર્સમેં કાહેકો સ્ટોરી સુના રહા હૈ, સ્ટારટીંગ સે સુનાના… “

ઓ.કે. લાવો માંડીને વાત કરું , સ્ટારટીંગ થી ! મારી સ્કુલમાં કેટલાક ફેંકુઓ હતા , કાયમ બીજા છોકરાઓની સામે વેમો મારે કે ભાઈ આપણે તો આવા …ને આપણે તો તેવા … ને આપણો તો ભાઈ અલગ જ વટ પડે ! એટલે એને ઠંડો પાડવા કહેવું પડે કે ભાઈ , એવા જ તારા વટ પડે છે તો સ્કુલમાં કોઈ છોકરી તારી સામું ય કેમ નથી જોતી ? એટલે બિચારાને કંઈક તો કહેવું પડે , નહિ તો બધી પોલ ખુલી જાય, એટલે એ ગાડી આગળ ચલાવે કે સ્કુલમાં ભલે ના હોય પણ મારી બાજુમાં રહેતી એક છોકરી મારા પર ફિદા છે, આવું એક વાર કહી દીધું એટલે પછી બધા રોજ એને પૂછે , પેલી છોકરી સાથે કેટલે પહોંચ્યું ? પછી શું ! રોજ નવા નવા તુક્કા … આજે તો એ મારા ઘરે આવી … મારા ઘરે કોઈ નહિ …ને પછી શું કહેવું યાર ! આજે તો અમે ટેરેસ પર મળ્યા . આજે તો આમ …ને કાલે તો તેમ ! પણ પછી ઉંડા ઉતર્યા તો ખબર પડી કે ભાઈ ને તો સોસાયટીના કુતરાઓ ય ભાવ નથી પૂછતા ! ધતત્ત તેરી ! તો શું આટલા વખત સુધી સાલો આપણ ને મામુ બનાવતો રહ્યો !
૧૦મા ધોરણ પછી મેં સ્કુલ બદલી ત્યારે એક છોકરા સાથે મારે રોજ ઝગડો થતો. એક દિવસ એ છોકરો એક છોકરીનો ફોટો લઈને આવ્યો , એ ફોટો અમને બધા ને બતાવીને કહે કે યાર , આ છોકરી પર તો દિલ આવી ગયું છે , એ મને સ્માઈલ પણ આપે છે … ટૂંકમાં ટૂંક સમયમાં આની જોડે આપણું સેટિંગ પાક્કું ! એ પણ એ છોકરીનો ફોટો કશીક રીતે ચોરીને લાવેલો. હવે , એ છોકરા સાથે મારે દુશ્મની , એટલે મેં બદલો વાળવા એ ફોટો ચોરી લીધો . મજ્જા પડી ગઈ ! પણ પછી સવાલ થયો કે એ ફોટા નો સદ્ઉપયોગ શું કરવો ? જવાબ મળી ગયો – હું એ ફોટો લઈને ઓલા ફેન્કુલોજી છોકરાઓ પાસે ગયો , એમણે મને બહુ મામુ બનાવી લીધેલો , હવે એમની વારી હતી …. મામુ બનવાની ! ઇટ્સ ટાઈમ ફોર બદલા ! ફોટો બતાવીને કહ્યું – યે દેખો , શી ઈઝ માય ગર્લફ્રેન્ડ ! નામ એનું રાખ્યું વૈદેહી ! સાયન્સ ની છોકરી છે યાર , મારા પર એકદમ ફિદા ! એટલે પછી એમના પ્રશ્નો ચાલુ થયા – વાઉ યાર , ક્યારે , કેવી રીતે ?

સરકીટ -“ભાભી કો ઘુમાને કે લિયે કિધર લે કે ગયા …..? “

મેં કહ્યું , હજી સુધી ફરવા તો ક્યાંય નથી લઇ ગયો , પણ જે કરવાનું હતું એ …. !

મુન્નાભાઈ – “અરે કિધર મત પૂછ … યે પૂછ કિસમેં લે ગયા… કીસ્સ મેં ! “

મિત્રો બિચારા હેબતાઈ ને બોલી ઊઠ્યા – કીસ્સ ???

સરકીટ -” કિસ મેં ભાઈ ? “
મુન્નાભાઈ – “અરે કિસિંગ કાર મેં યાર …”

પછી એમને વિગતવાર આખો પ્રસંગ જાણવો હતો

સરકીટ -” એ ભાઈ સાઈડકાર સુના , કલાકાર સુના ,
બેકાર સુના , ડકાર ભી સુના , યે કિસિંગ કાર ક્યા હોતા હૈ…”
મુન્નાભાઈ -” અરે જિસ મેં કિસ કરતે હૈ યાર ….”

એમને જાણવું હતું પછી હું શું કરી શકું ? મેં પણ ચલાવ્યું – સ્કૂલ ના દાદરે જ !

મુન્નાભાઈ – “અપુન કો મિલ ગયી , અરે એક કિસિંગ કાર ,
બેક સીટ પે , જી ભર કે કિયા પ્યાર “

મિત્રો કહે , દાદરે ? દાદરે કેવી રીતે ? સાહેબ કે કોઈ જોઈ ના જાય ?

સરકીટ- “ભાઈ , ડ્રાઈવર ને મિરર મેં દેખા હોયેંગા , કૈસે મેનેજ કિયા ?”

મેં કહ્યું કે રીસેસમાં , ધાબા પર જવાનો એક દાદરો છે , જ્યાં કોઈ નથી આવતું ! અમે બંને રીસેસમાં રોજ નાસ્તો કરવા ત્યાં જ જઈએ છીએ , કોઈ પૂછે તો અમે એવું કહીએ કે નીચે બધા બહુ તોફાન કરે છે એટલે અમે નાસ્તો કરવા ત્યાં જઈએ છીએ , એટલે અમારી સાથે પહેલા મારી ક્લાસના બીજા છોકરાઓ પણ અમારી પાછળ પાછળ આવેલા , પછી તો મેં એ લોકો ને સમજાવી દીધા , એટલે હવે કોઈ નથી આવતું

મુન્નાભાઈ – “અરે ડ્રાઈવર કો મૈને , ઈક સો કા નોટ દિખાયા, ઉસકો સુસુ કરને કા આઈડિયા તબ આયા…”

મિત્રો બોલે , જોરદાર યાર જબરું ડેરિંગ કહેવાય તારું તો , પછી બોલ જલ્દી , આગળ શું થયું ?

સરકીટ- “અરે ભાઈ તુ તો જીનીયસ હૈ , ફિર ક્યા હુઆ”

અરે પછી તો મારે કઈ કરવાનું જ નથી આવતું , મને તો બહુ શરમ આવે , પણ એ એટલી બધી ફિદા છે મારા પર કે ન પૂછો વાત ! અમુક વાર તો મારે તેને સમજાવવી પડે કે કંટ્રોલ કર યાર !

મુન્નાભાઈ – “કભી ચુમતી ઇધર , કભી ચુમતી ઉધર, અરે બોલી મેરે મુન્ના ઇતને સાલ થા કિધર !”
સરકીટ- “ઐસા હો ગયા ભાઈ ?”
મુન્નાભાઈ – “સમજો હો હી ગયા ….. ! “

મિત્રો બિચારા એટલા શોક થઇ ગયા કે એમને શું રીએક્શન આપવું એ જ એમને ખબરના પડે !ક્યારેક એક્સાઈટ થઇને મુટ્ઠીઓ વાળે અને દીવાલ પર પછાડે , કિસની વાત આવે એટલે એટલા રોમાંચિત થઇ જાય કે એકબીજાને જ વળગી પડે ! અને મોઢા તો સાલાઓના ખુલ્લા ના ખુલ્લા જ રહી ગયા, એમને પણ ખુબ મજા આવી રહી હતી , રોમાંચ માણવો હતો , એટલે પ્રશ્નો તો ચાલુ જ હતા , એક પછી એક ! – “પછી બીજું કે કૈક , બીજું …. શું શું કર્યું ? ”

સરકીટ-” ઉસકે બાદ કિસિંગ કાર કિધર મુડા ભાઈ … પિક્ચર” ? મુન્નાભાઈ – “ના રે ! ”
સરકીટ- “ચાઇનીઝ હક્કા નુડલ”?

મેં કહ્યું કે બીજું તો કઈ નહિ બસ , હું ક્યારેક એના ક્લાસમાં એને મળવા જઉં , ને ક્યારેક એ મારા ક્લાસમાં આવે , અને પાર્કિંગ ના બેઝમેન્ટમાં પણ અમે સાથે જઈએ , અને …. પાર્કિંગ માં તો યાર ….!

મુન્નાભાઈ – “નઈ રે… સર્કસ .. સર્કસ !”

મિત્રો કહે “યાર , શું પાર્કિંગ પાર્કિંગ કરે છે , પાર્કિંગ તે કઈ મળવાની જગ્યા છે ? ”

સરકીટ- “સર્કસ કાહેકો ?”

મેં કહ્યું કે ક્લાસ તો ઠીક પણ પાર્કિંગ માં જે મજ્જા છે , એવી બીજે ક્યાય નથી , પાર્કિંગ બેઝમેન્ટ માં છે , અને બેઝમેન્ટમાં અંધારું હોય છે ! મિત્રો પૂછે કે તો એથી શું ?

મુન્નાભાઈ – “અરે સર્કસમેં શેર હૈ ના યાર” … સરકીટ- “તો ?”

મેં કહ્યું એને અંધારાથી બહું બીક લાગે છે , એટલે એ મારો હાથ પકડી રાખે… અને મારી અડોઅડ ચાલે …

મુન્નાભાઈ – “રીંગ માસ્તર કો , ઈક સો કા નોટ દિખાયા, ઉસને ઝોર સે ફિર હન્ટર ઘુમાયા ! ”
સરકીટ-” હન્ટર ! હન્ટર કા ક્યા હુઆ !”

એક દિવસ એ ચાલતા ચાલતા સાઈકલ સાથે અથડાઈ , અને અથડાતાની સાથે જ તે વધુ ગભરાઈ ગઈ અને પડવા જેવી પણ થઇ ગઇ, તેથી તે મને વળગી પડી

મુન્નાભાઈ – શેર ને કિયા રોર .. વો લપકી મેરી ઓર , ફિર શેર કો મેં બોલા , એ મામુ વન્સ મોર !
સરકીટ- “હા …હા …હા … ભાઈ , શેર કો મામુ બોલ ડાલા , ફિર ક્યા હુઆ ?”

એ એટલી ગભરાઈ ગઈ હતી કે મને વળગેલી જ રહી , પછી થોડી વાર થઇ , ને તે દૂર જવા ગઈ , ત્યાં જ હું તેને વળગી પડ્યો , કુછ કુછ હોતા હૈ માં ઓલા વરસાદ વાળા સીનમાં શાહરૂખ કાજોલને વળગે છે ને , બસ એ જ રીતે ! એ પણ વળગી પડી , હું પણ …. એ પણ …. અમે બંને , એકબીજાને વળગી રહ્યા … બસ વળગી રહ્યા … ક્યાંય સુધી !

મુન્નાભાઈ – “ડર સે ઉસને ઐસે મુજકો ગલે લગાયા .. ક્યા બતાઉં સરકીટ અરે કિતના મઝા આયા”
સરકીટ- “ઐસા હો ગયા ભાઈ ?”
મુન્નાભાઈ – “હાં … સમજો હો હી ગયા ! “