નવા જૂની

નવા જૂની – રીકવરી !

-માંદગી દરમ્યાન ડોકટરે બાઈક પર બેસવાની પણ મનાઈ ફરમાવેલી, ૭ ઓગસ્ટ એટલે કે પત્ની ના જન્મદિવસે બાઈક ચલાવવાનો શુભારંભ કર્યો ! હવે ૯૯ % સાજો છું , ૧ % હજી યુરીનલની ઉપરની સાઈડ આવેલી બંને બાજુઓ ની નળીઓ માં વત્તો ઓછો દુખાવો રહ્યા કરે છે , અધધધ કહી શકાય એટલા બેન્ડ લાગ્યા છે – ખોરાક બાબતે , અને એનું પાલન થઇ રહ્યું છે !

– મારું ફેવરીટ પીણું થમ્પ્સ અપ વિષે તો વિચારવાની પણ મનાઈ છે – કાયમ માટે ! એજ રીતે ઈંડા વિષે પણ વિચારવાની મનાઈ ! પાલન થઇ રહ્યું છે અને માંદગી પછી મારું ફેવરીટ પીણું નારીયેલ પાણી બની ગયું છે , જેનું નિયમિત સેવન કરવામાં આવે છે.

– મારા જન્મદિવસની પોસ્ટમાં મેં ઘોષણા કરેલી કે મેં આજનો ફિલ્મ જોવા જવાનો કાર્યક્રમ માંડી વાળ્યો છે , પણ ન રહી શક્યો અને જન્મદિવસે દુખાવાને અને કાયમી દુખાવાને (પત્ની ) સાથે લઇ ને ફિલ્મ જોઈ આવેલો – પોલીસગીરી ! અફકોર્સ , ત્યારે બીજી ઘણી સારી ફિલ્મ્સ પણ ચાલતી હતી સિનેમાઘરોમાં, પણ હું ગમેતેમ તોય સંજુ બાબા નો ફેન …. ખબર હતી કે ફિલ્મ પિટ ક્લાસ જ હશે તોય સંજુબાબા લીડ માં હોય એટલે એ જલસો મારા થી શી રીતે મિસ થાય !!

– પત્નીના જન્મ દિવસે પહેલી વાર બાઈક ચલાવ્યું એ દિવસે “ધી કોન્જ્યુરીંગ ” જોયું – જલસો કરાવી દે તેવું !! એ પહેલા સહ કુટુંબ અમે – હું , મમ્મી અને કોમલ “ભાગ મિલ્ખા ભાગ ” જોઈ આવેલા . અને રીસંટલી એક ગુજરાતી મુવી થીયેટરમાં જોવામાં આવેલ છે , જેનો રીવ્યુ મેં લખ્યો છે મારી પ્રીવીયસ પોસ્ટમાં, ફિલ્મ જોવા જવાના પ્રસંગોમાં ધરખમ ઘટાડો થયેલ છે …. અને એ ઘટાડો દિન પ્રતિદિન વધી રહ્યો હોય એવું લાગી રહ્યું છે.

– વધુમાં તો એક આવનાર ગુજરાતી ફિલ્મ માં હું એક નાનકડા રોલમાં મોટા પડદે ચમકવાનો છું, ફિલ્મ – “રઘુવંશી” થેન્ક્સ ટૂ ડીરેક્ટર અતુલ પટેલ.

– મિત્ર કૃણાલ ને તેના એક કમ્પોઝીશન માટે લીરીક્સ ની જરૂર હતી , જે મેં લખી આપ્યા અને એને ગાવા માટે મેં ફ્રેન્ડ નિગમ અને ફેસબુક ફ્રેન્ડ સુહાની નો એપ્રોચ કર્યો – અને તેઓ એગ્રી થયા. ટૂંક સમયમાં જ અમે એ ગીત ના રેકોર્ડીંગ માટે સ્ટુડીઓ જઈ રહ્યા છીએ , ગણતરીના દિવસો માં ગીત તૈયાર થઇ ને બહાર આવી જશે.

– ટીવી સીરીયલના પ્રોડક્શન માં કામ કરવાનો એક નવો અનુભવ મેળવ્યો. જેમના નાટકમાં મેં કામ કર્યું છે – એ જાણીતા દિગ્દર્શક નિમેશ દેસાઈ ના દિગ્દર્શન માં બની રહેલી સીરીયલો માં પ્રોડક્શન ડીપાર્ટમેન્ટ માં કામ કર્યું , હજી કરતો રહીશ એન્ડ આઈ મસ્ટ સે કે આ અનુભવ થકી હું ફિલ્ડ થી ઘણો માહિતગાર થયો .

– બસ આ જ …. કેટલીક અસ્ત વ્યસ્ત વાતો અસ્ત વ્યસ્ત રીતે લખી ને અહી જ વિરમું છું .

Advertisements

એક જ દિવસમાં આ બીજી પોસ્ટ !

તમેય પાછા વિચારશો કે એમાં તે વળી શી મોટી ધાડ મારી … એક જ દિવસમાં બીજી પોસ્ટ લખી ને ! હા , ભાઈ ધાડ તો કઈ નથી મારી , અને હમણાં મારી કોઈ ધાડ મારવાની કેપેસીટી પણ નથી કારણ કે લાંબી બીમારીમાં પટકાયેલો છું . પથરી થઇ … અસહ્ય પીડાઓ વેઠી ને પછી ગયા રવિવારે ઓપરેશન કરાવ્યું , ઓપરેશન પછી પણ પીડાઓ નો સિલસિલો ચાલુ જ છે , એમાં ય પાછા સવાર – સાંજ એક એક એમ રોજના બબ્બે ઇન્જેક્શન ઘોકાવું છું , રામ જાને ક્યારે છુટકારો થશે . બેડ રેસ્ટ માં મુખ્ય પ્રવૃત્તિ વાંચન ની છે આજ કાલ … બહુ બધી પીડા સાથે પત્ની નો બહુ બધો પ્રેમ અને કાળજી પણ પામી રહ્યો છું . એન્ડ ધેટ્સ ઇટ ! વધુ માં આજે ફેસબુક પર એક જૂની પોસ્ટ પણ શેર કરી છે નવા સંદર્ભ સાથે , આ બ્લોગ વાંચતા જે મિત્રો મારી સાથે ફેસબુક પર જોડાયેલા નથી તેમના માટે એ સંદર્ભ અને લીન્ક …..

“થોડાક મહિના પહેલા મેં અલ્તાફ રાજા વિષે લખેલી પોસ્ટ , અને તે આજકાલ દેખાતો નથી એ બાબતે વ્યક્ત કરેલું મારું દુખ … આ પોસ્ટમાં ! અલ્તાફ રાજા એના ફેન્સ માટે શું છે એ જાણવા જરૂર વાંચો , નીચે અંગ્રેજીના કેપિટલ અક્ષરોમાં અલ્તાફ રાજા લખેલું છે , તેના પર ક્લિક કરવાથી એ પોસ્ટ વાંચી શકાશે   & now i am very much happy to see him after a long time…. in a song from ghanchakkar- jholu ram!! બાકી ગીત પણ જલસો પાડી દે તેવું છે હોં … અલ્તાફ ની શાયરી કહેવાની ટીપીકલ સ્ટાઇલ ઇંગ્લીશમાં … never expected come back! welcome back altaf… i love you… have heard your songs many times in my teen age..the age of fantacies!” – ફેસબુક પર મુકેલો સંદર્ભ.

એ પોસ્ટ નું ટાઈટલ પણ મેં અલ્તાફ રાજા ના અતિ પ્રખ્યાત ગીત “તુમ તો ઠહેરે પરદેસી” ની એક લાઈન પરથી આપેલું , સાથે એ પણ કહેલું કે એ ગીત અલ્તાફ ની ઓળખ સમું છે  , અલ્તાફ ના આ નવા ગીત માં પણ ઇમરાન હાશમી અલ્તાફ ને  “તુમ તો ઠહેરે પરદેસી” ગાવાની રીક્વેસ્ટ કરે છે , ઇમરાન ની જગ્યા એ હું હોત તો હું પણ કદાચ એ જ કરત 😉 🙂

ALTAF RAJA

અને આ રહ્યું અલ્તાફ રાજાનું એ નવું ગીત ફ્રોમ ધી ફિલ્મ ઘનચક્કર

અને છેલ્લે ,

પત્ની એ આજે ઘનચક્કર જોવાની ઈચ્છા વ્યક્ત કરી , મેં કહ્યું બે વરહ થી મને જોઈ તો રહી છો !

ઊનાળો – નવા જૂની

– ઊનાળાની સાથે લગ્નની સીઝન પણ બેસી ગઈ છે . મારી નાનપણ ની એક મિત્ર ના મેરેજ છે , લવ મેરેજ – ધામધૂમથી , બધાની રાજી ખુશી થી . એ જેની સાથે મેરેજ કરી રહી છે એની સાથે પણ મારે સારી મૈત્રી થઇ ગઈ છે , બંને ખુબ ખુશ રહેશે , હું પણ ખુબ ખુશ છું એમના માટે .

મારી બીજી એક મિત્ર ના પણ હમણાં જ મેરેજ થયા  , એ સાવ નાનપણની મિત્ર તો નહિ પણ સ્કુલ ટાઈમની મિત્ર તો ખરી . એના પણ લવ મેરેજ છે , પણ માંડવામાં નહિ , કોર્ટમાં ! બંને ના પરિવાર માંથી કોઈ સંમત ન હોવાથી તેઓ એ પરિવાર થી છુપાઈને લગ્ન કર્યા છે .

હું તો બંને ના મેરેજને લઇ ને ખુબ ખુશ હતો ત્યાં મિસિસે આ વાત પર મારું ધ્યાન દોર્યું કે બે લવ મેરેજ ના કિસ્સા છે જેમાં એકમાં પરિવારની સંમતિ છે અને બીજામાં નહિ . આ બાબત એને સ્પર્શી ગઈ જયારે મારું તો એ તરફ ધ્યાન સુદ્ધા ન હતું – પણ એના કહ્યા પછી વિચારતો જરૂર થઇ ગયો છું.

– મને ઊનાળાની સાંજ ખુબ ગમે . અત્યારે પણ આ લખી રહ્યો છું ત્યારે સાંજનો સમય છે એન્ડ આઈ એમ ફીલિંગ ગુડ નાઊ !

– ઘણો સમય થયો કોઈ નવલકથા વાંચે ! મને યાદ છે ગયા ઉનાળે દસ – બાર નવલકથાઓ તો વાંચી કાઢેલી , પણ છેલ્લા કેટલાક મહિનાઓમાં એક પણ નથી વાંચી ! જોકે “ગુર્જર” માં પુસ્તકો લેવા જવાનું આયોજન તો છે જ એટલે નજીકના જ ભવિષ્યમાં જ મેળ પડી જશે – નોવેલ વાંચવાનો ! અમદાવાદમાં ગયા વર્ષે જે મોટ્ટો પુસ્તક મેળો આવેલો એ આ વર્ષે ફરી આવી ગયો છે , ગયા વર્ષે તો જઈ આવેલો , હવે જોઊં છું કે આ વર્ષે મેળે જવાનું મારું મન થાય છે કે કેમ !

– આવતા અઠવાડીએ શેરી નાટકો કરવા જવાનું છે, ભર ઊનાળામાં ! ફિલ્મ અને સ્ટેજ નાટકોમાં એક્ટર્સ કેટલાય મેક – અપ ના થપેડા કરીને પરફોર્મન્સ આપતા તમે જોયા હશે  – પરસેવે રેબઝેબ એકટર ને પરફોર્મ કરતો જોવો હોય તો આઈ જજો – મારું શેરી નાટક જોવા – હે નાટક લાવ્યા …. નાટક લાવ્યા …. સરસ મજા નું નાટક લાવ્યા …. !

– આજે ૨૯ , કાલે ૩૦ અને પછી આવશે પહેલી મે ! મારી નવલકથા “સળગતા શ્વાસો ” મેં પહેલી મે ૨૦૧૦ ના રોજ સવારના કંઈક સાડા પાંચ વાગે પૂરી કરેલી ! જયારે જયારે પહેલી મે આવે છે ત્યારે ત્યારે મને એ સમય યાદ આવી જ જાય છે ! ( એ પબ્લીશ થઇ ઓગસ્ટ ૨૦૧૧ માં , વિમોચન જાણીતા સાહિત્યકાર આદરણીય શ્રી ગંભીરસિંહ ગોહિલના હસ્તે થયું . અને પુસ્તકમાં પ્રસ્તાવના લખેલી મારા પ્રિય દિગ્દર્શક શ્રી આશિષ કક્કડ સાહેબે  )

મારા પાડોશીઓ – નવા જૂની

– મારી બાજુના ઘરમાં રહેતા એક કાકા રોજ બહાર આવી આવી ને થુંકે ! બીડી પીવાની આદત ! બેક્ટેરિયા ફેલાય … તો આપણને પણ રોગ થાય .. બાળકો શેરીમાં ઊઘાડા95701357CK034_Rot_Weiss_Obe પગે રમતા હોય , ત્યારે મને એ બાળકોની દયા આવી જાય . સામે ના ઘરના કાકા રોજ મસાલા ખાઈને કોગળા ત્યાં બહાર કોગળા કરે. એ કોગળા ની પિચકારીનો અવાજ જ ચીદરી ચઢે તેવો હોય ! એ ઘરના બધા પુરુષો ટોપલેસ થઈને પોતાના ઘરની બાલ્કનીમાં અને ઓટલે ફરતા હોય – એટલે આપડે આવતા જતા એ નજારા પણ જોવાના ! એમના છોકરા એમના ઘરના આગળના ભાગમાં આવેલી ગટરમાં શૌચક્રિયા કરે ! એ છોકરાઓ નો નિશાનો કેવો અદભૂત હશે કે ગટરમાં જ પડે ! પેશાબ પણ ત્યાં કરે ! એટલું જ નહિ , એ ઘરની સ્ત્રીઓ વાળ પણ ત્યાં જ ધુએ , અડધા વાળ ગટરમાં ડૂબેલા , અડધા બહાર …

– મારી પાડોશના બા ને બહુ પંચાયત ! કયા જાઓ છો ! કેમ જાઓ છો ! જેવા પ્રશ્નો પત્ની ને પૂછ્યા કરે ! આપડે જયારે ઘરે આવીએ કે જઈએ ત્યારે રીતસરના ડોકિયા કાઢીને જુએ . એટલું જ નહિ ઘરમાં થતી અંગત વાતોમાં પણ એમનું ધ્યાન હોય, જ્યાં એમને દેખાય કે બારી ખુલ્લી રહી ગઈ છે ને બધું સંભળાય છે ત્યાં એ કાન સળવા કરે , બધું સાંભળે અને એમાં મીઠું મરચું ભભરાવીને બીજા બૈરાઓ સાથે તેની ચર્ચાઓ કરે .

– પહેલા જે સારા પડોશીઓ હતા એ હવે બીજે રહેવા ચાલ્યા ગયા છે , અને આ જે મેં વાત કરી એ એમના દ્વારા થતા ત્રાસના પુરા ૫૦ % જેટલી પણ નથી , પણ છતાય મેં મુખ્ય મુખ્ય મુદ્દાઓ આવરી લેવાનો પ્રયાસ કર્યો છે. પણ એ બધું હું સહન કરવા તૈયાર છું , નથી સહન થતું માત્ર એ થૂંકવાનું . એ બંને કાકાઓની થુંકદાની વચ્ચે મારું ઘર આવેલું હોય એવું લાગે છે ! મને હદ બહારનું ઈરીટેશન થાય છે , સ્વભાવે એ લોકો ખુબ ઝગડાડૂ એટલે શાંતિથી કહેવા જઈએ તોય ઝગડા કરે તેવા છે ..

– મેં એક વખત ગાંધીગીરી કરેલી . એ કાકા જયારે બહાર થૂંકવા આવે ત્યારે હું જોર થી મારા ડ્રોઈંગરૂમનું બારણું પછાડું , એટલે કારક અભિસંધાન સધાયું , એમને સમજાયું પણ ખરું કે આ એમના એક્શન નું જ રીએક્શન છે . એટલે એ જે બહાર થૂંકતા હતા એ બંધ થયા , પણ બહાર આવીને થુંકવાનું તો ચાલુ જ રાખ્યું. એટલે એ થુંકે પણ પોતાના ઘરના ઝાંપા પાસે આવેલી ગટરમાં ! પ્રોબ્લેમ સોલ્વ થયો પણ અડધો જ ! અને ઓલા જે દિવસમાં પચ્ચીસ વખત કોગળા કરે છે – (મારા ઘરની બહારના રસ્તા પર ) એમને તો વતાવવા જેવા જ નથી . રૂમનું બારણું બંધ રાખું તોય પેલો ચીદરી ચઢે તેવો કોગળા કરવાનો અવાજ તો આવે જ છે !

– આઈ એમ સો મચ હેલ્પલેસ ! ખુશનસીબ હોય છે એ લોકો જેમને સારા પાડોશીઓ હોય છે.

રંગભૂમિ સ્પેશીયલ – નવા જૂની !

આજ થી કહેવી છે – નવા જૂની ! અનુભવો પરથી તારણ તો મેં એવું જ કાઢ્યું છે કે પોતાની સાથે બનતી દરેક ઘટના લખવા જેવી નથી . અમુક બાબતો પોતાના માઈન્ડના પ્રાઈવેટ મેમરી ડ્રાઈવ માં જ સેવ કરીને રાખવી પડે . અંગત ડાયરી પણ ક્યારેક તો જાહેર થતી જ હોય છે , માટે બહુ ચર્ચાસ્પદ બને એવી બાબતો જાહેર કરવામાં નહિ આવે એવા ખુલાસા સાથે આજ થી શરુ કરું છું આ વિભાગ – નવા જૂની. છતાંય આપે મારા “મેરી કહાની , ગીતો કી ઝુબાની ” વિભાગની પોસ્ટ્સ વાંચી હશે તો તમને જાણ હશે જ કે અમે સાવ એવાય ડરપોક નથી. ઇન ફેકટ, મારી અંગત બાબતો બ્લોગ પર લખવી એ મારા માટે ચર્ચમાં થતા કન્ફેશનસ સમાન છે,અને મને એમ કરવું ગમે છે – માટે હું ગમ્મે તેટલું ખુલાસાઓ નહિ કરવાનું નક્કી કરું તોય , મને ખુદ પર કાબુ નહિ જ રહે અને આ ભાયડો ભડાકા કરશે જ એવી તૈયારી સાથે તમે વાંચવાનું શરુ કરો અને હું લખવાનું શરુ કરું છું – નવા જૂની !

આ વખતની નવા જૂની – માત્ર ને માત્ર રંગભૂમિ વિશે

– પહેલી વાર એક કમર્શિયલ ફૂલ લેન્થ નાટકમાં અભિનય કર્યો – “વળતર”, લેખક – ભીષ્મ સહાની અને દિગ્દર્શક – નિમેશ દેસાઈ , નાટકનો પહેલો શો નવમી ફેબ્રુઆરી ૨૦૧૩ ના રોજ અમદાવાદના જય શંકર સુંદરી હોલમાં હતો , બીજો જયપુર અને ત્રીજો શો પ્રાંતિજમાં કર્યો , ચોથો શો ફરી અમદાવાદમાં ૧૩ મી મે ૨૦૧૩ ના રોજ થશે. મારું પાત્ર બટનની ફેકટરીના માલિક – શેઠનું હતું . યસ અફકોર્સ , મને ખુબ મજા આવી , પ્રેક્ષકો ને પણ ! મિત્રો – સ્નેહીજનો એ ખુબ ઉત્સાહભેર મને જોયો અને વખાણ્યો – બીજું શું જોઈએ !

"વળતર" ના પહેલા શોની તસ્વીર . ડાબેથી શશાંક,નાના શેઠના પાત્રમાં  , વચ્ચે શેઠના પાત્રમાં હું અને જમણે પાલાભાઇ મુનીમના પાત્રમાં

“વળતર” ના પહેલા શોની તસ્વીર . ડાબેથી શશાંક,નાના શેઠના પાત્રમાં , વચ્ચે શેઠના પાત્રમાં હું અને જમણે પાલાભાઇ મુનીમના પાત્રમાં

– “ગુજરાત રાજ્ય સંગીત નાટ્ય અકાદમી” દ્વારા યોજાતી પાંચ દિવસની નાટ્ય શિબિર પણ ભરી . એવરેજ એક્સપીરીયન્સ રહ્યો .

– જાન્યુઆરીમાં શેરી નાટકો કર્યા હતા , અને એનો અનુભવ શ્રેષ્ઠ રહ્યો . જે લોકો ભાગ્યે જ કોઈ ફિલ્મ જોતા હોય અને નાટક તો ક્યારેય જોયું જ નાં હોય એના નાના ગામના લોકો ને મનોરંજન આપીને ખુબ સંતોષ થયો. કુલ પાંચ દિવસમાં નાટકના દસ શો કર્યા , દસ અલગ અલગ ગામમાં !

શેરી નાટક ભજવી રહેલો હું અને સાથી કલાકારો પ્રિયા , અનિલભાઈ અને સાયનભાઈ

શેરી નાટક ભજવી રહેલો હું અને સાથી કલાકારો પ્રિયા , અનિલભાઈ અને સાયનભાઈ

– મહિનામાં અનેક ફિલ્મો થીયેટરમાં જોઈ લેતા એવા અમે ( હું અને મીસીસ ) છેલ્લા બે મહિનામાં એક પણ ફિલ્મ થીયેટરમાં નથી જોઈ ! આ ઐતિહાસિક ઘટના બનવા પાછળ નું કારણ – નાટક ! છેલ્લા બે મહિનામાં અમે ૧૫થી પણ વધારે નાટકો જોઈ નાખ્યા . એટલે ફિલ્મ જોવા જવાનો ટાઈમ જ ના રહ્યો . અને ખાસ ખર્ચો પણ નાં થયો કારણ કે આમાં બે નાટકોને બાદ કરતા બાકીના બધા નાટકોમાં ફ્રી આમંત્રણ થી ગયેલા . ઘણા નાટકો સારા હતા , અને કેટલાક નાટકો વાહિયાત પણ હતા , ગમેલા દરેક નાટકની વાત ન કરતા સૌથી વધારે ગમેલા નાટકનું નામ આપી દઉં – “અંતિમ અપરાધ ” લેખક – ડો . રઈશ મનીયાર અને દિગ્દર્શક વિરલ રાચ્છ. જામનગર ની ટીમ છે , અને અભિનંદન ને પાત્ર છે . જામનગર જેવું શહેર જ્યાં નાટકનું માર્કેટ નથી , ત્યાં રહી ને પણ આ પ્રવૃત્તિ કરવી અને બધા છક થઇ જાય એવું નાટક તૈયાર કરી ને બતાવવું એ બદલ ખરેખર – હેટ્સ ઓફ !

– ઊનાળો શરુ થયો છે અને નાટકોનું માર્કેટ ધમધમી રહ્યું છે , એકથી એક ચડિયાતા નાટકો અમદાવાદમાં ભજવાઈ રહ્યા છે .અમદાવાદમાં ભજવતા નાટકના શોઝ ની સંખ્યા કાયમ હોય એના કરતા ચાર ગણી વધી ગઈ છે. ઓલ થેન્ક્સ ટુ વેકેશન ! પણ અમારે નાટકોનો ઓવર ડોઝ થયો હોવાથી આ વખતે અમે નાટકોના આ વેકેશન માર્કેટને કમાણી નહિ કરાવીએ , અને ટૂંક સમયમાં અમે એકાદું પિક્ચર જોઈ આવશું . જોકે વેકેશનના લીધે ફિલ્મનું માર્કેટ પણ ગરમ છે.

– થોડા દિવસ પહેલા એક નાટક લખવાનું પણ શરુ કર્યું , અને નવલકથાઓ લખતી વખતે થાય છે એવું નાટકમાં પણ થયું , થોડું લખાયું અને પછી ગાડું અટકી ગયું. પણ નવલકથાઓમાં ગાડું અટકી અટકીને ય ચાલે છે તો ખરું , અને મહિનાઓ નહિ તો વર્ષોમાં પણ હું નવલકથા પૂરી તો કરું જ છું , બિલકુલ એ જ રીતે , મને વિશ્વાસ છે કે આ નાટક પૂરું તો થશે જ , પણ કયા વર્ષમાં એ કહેવું મુશ્કેલ ! મારા પબ્લીશર્સ નું પણ એવું જ ખાતું છે , મારી નવલકથા ” સોદો ” ની તેમણે બટર તૈયાર કરી છે , અને આ વર્ષમાં તેઓ પબ્લીશ કરી દેશે તેવી ગણતરી છે , પણ આ વર્ષનો તે કયો મહિનો હશે એ કહેવું મુશ્કેલ !

– મારી સાથે નાટકમાં કામ કરતી મારા જેટલી જ ઉમર ની એક છોકરી વનશ્રી એ દુનિયામાંથી કાયમી વિદાય લીધી – નવમાં માળેથી જીવન ટૂંકાવી ને. હસમુખો સ્વભાવ અને હંમેશા બસ નાટક નાટક ને નાટકમાં જ રચયી પચ્યી રહેતી વનશ્રી ને આ દુનિયામાં શું દુખ હતું એ કોઈ ના જાણી શક્યું. એના જીવનના છેલ્લા ૩ મહિનામાં મેં એની સાથે ઘણો સમય વ્યતીત કર્યો – સાથે શેરી નાટકો કર્યા , “વળતર ” નાટકમાં પણ તે સહાયક દિગ્દર્શક હતી , સાથે એક નાનો રોલ પણ કરી રહી હતી. એણે ભજવેલા એક નાટક માં પણ એ આજ રીતે મરજીથી જીવન ટૂંકાવીને મૃત્યુ પામે છે, એ દ્રશ્ય ખુબ દ્રાવક છે , મને ફરિયાદ હતી કે એ આમ કશું કહ્યા વગર કેવી રીતે જઈ શકે ! પેલા નાટકમાં એ છેલ્લા શ્વાસો માં કહી ને જાય છે – “સ્ત્રીની તો જાત જ હવા જેવી હોય છે… ક્યારે વિલીન થઇ જાય , કશું કહેવાય નહિ.” તું ખુબ યાદ આવીશ વનશ્રી.

શેરી નાટકો દરમ્યાન ગામના નાના બાળકો સાથે - હું અને વનશ્રી

શેરી નાટકો દરમ્યાન ગામના નાના બાળકો સાથે – હું અને વનશ્રી