Day: એપ્રિલ 30, 2013

ઢોળાઈ ગયો

ભરેલો જામ પીધા વગર જ ઢોળાઈ ગયો ,
અચાનક યાદ આવેલો એક કિસ્સો ભુલાઈ ગયો

પંખા ના ફરતા ત્રણ પાંખીયાને તાકી રહ્યો ત્યાં
હવાની સાથે વિચારોનો પણ રુખ બદલાઈ ગયો

હું એમનો એમ રહ્યો , દીવાલ પર જડેલ ખીલ્લાની જેમ ,
બદલાતા તારીખીયાઓ સાથે જમાનો બદલાઈ ગયો

પાંજરામાં પૂરેલો પોપટ આજે ચોક્કસ ઊડી જવાનો
એની ફડફડ કરતી પાંખોનો અવાજ મને સંભળાઈ ગયો

સાંજના ખોળે માથું રાખીને સુતો હતો “યુવરાજ “,
સાંજને લેવા રાત આવી તો એ રાતથી રિસાઈ ગયો